Timəə dí-pɛn 8:8 - LAWA A BOO SONBORE

⁸ A n gána lɛa, *belee n bǐɛ̃ koe a nɛ, *ɔrzi ni, rezɛ̃ nɛ, gɔ́rɔ nɛ, grenadie da nɛ. Gána nɛ, *olivie nyɔɔ n yii a nɛ, ka zoo ne.

LAWA A BOO SONBORE 2011

⁸ A n gána lɛa, *belee n bǐɛ̃ koe a nɛ, *ɔrzi ni, rezɛ̃ nɛ, gɔ́rɔ nɛ, grenadie da nɛ. Gána nɛ, *olivie nyɔɔ n yii a nɛ, ka zoo ne.

Timəə dí-pɛn 8:8 ပူးပေါင်းရင်းမြစ်များ

Siin Giala 49:11

Á die a dundun doɛ *rezɛ̃ da ganaa. Á die a dundun nɛ doɛ rezɛ̃ da sonbore ganaa. Á die a mɔnaa pii yɔ li. Á die a dɔnkɛ gole pii rezɛ̃ mu tã li.

Samayeli2 4:6

Ǹ nə́ kaa kion lɛ gɔ́ɔ̃ nɛ, ka n pɛ mà maǹ woe wùsu siɛ, ǹ nə́ Isbosɛti dɛ a nɔ̀ ganaa. Bɛ kio Rekabu laanka ǹ dɔɔ̃ngiĩ Baanaa baa si.

Kiin1 5:11

A sii-doɛ̃ la min tumaa wɔ nɛ. Etan mɛn nə́ ke boe Eziraa, a sii-doɛ̃ la bɛ wɔ nɛ, ka Eman wɔ nɛ, Kalkɔli wɔ nɛ, Dardaa wɔ nɛ, kɛn Mawoli a nɛn lɛa. Gánan mɛnɛn tumaa da bii, bɛn yii ná a tɔ ma.

Kiin2 18:32

bɛ̀ ma baa die ka goɛ ma wo ka nɛ gána kɔsɔ nɛ, gána mɛn nə́ ke ka kaa wɔ lɛ bɛ́ lɔn. *Belee laanka duvɛ̃ sonbore gána nɛ, buuru laanka rezɛ̃ da wurun gána nɛ, ka bɛ́ *olivie dan mɛnɛn nyɔɔ boe, bɛn laanka zoo gána nɛ. Bɛa yɔrɔ lɛ la, ka tá re goɛ̃ ka yii n koo, ka n ka a re giɛ̃ wa. Ka baran n too kɔ Ezekiasi lon wa, a giala a n ka yiri siɛ̃, bɛ̀ á n pii kɛnɛn: Dɛnaa Lawa tá re wɔ boe a nɛ!

Loen 147:14

A din nə là nyantoro koe kaa gána la. A din nə ka toe ka tán-kɔsiɛ màn tumaa a sonbore ne.

Loen 81:16

Min mɛnɛn bɛ́ Dɛnaa Lawa biɛ zɔ́ɔ, bɛn tá re die a gòã kuĩ, a giala, mà ǹ dɔn biikoo na á kiɛ̃ kəni ka lenlen, yǎa duduu.

Izayii 7:23

Bɛa pinaa kəni, wuru mɛn bɛ́ *rezɛ̃ da duu goon (1 000) ná a nɛ, a n kɔnpii wɔrɔ we duu goon ne, ǹ tá re n la boe bɛ ganaa a nyan tewon baa.

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Ezekieli 27:17

Haalɛ Zudaa gána minin laanka Izirayeli gána minin dinin nə́ goã die pii koe kaa piɛ. Ǹ nə́ goã die ka *belee ne boe Miniiti, nyànan nɛ, zoo ne, nyɔɔ nɛ, ka da yon gìĩ kɔɔ̃n nɛ.

Ozee 2:22

Man die luu diɛ n la ma din wɔ lɛa, ka bɔlɔgoondɛnaabaa nɛ. Bɛa biikoo li, n tá re ma doɛ̃ Dɛnaa Lawa lɛa.»

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Misee 4:4

Didie á re giɛ̃ tán a din a *rezɛ̃ da laanka a din a gɔ́rɔ da giulun. Min kɔn ba re nyɛ́ɛ diɛ ǹ ganaa wa. A giala, Dɛnaa Lawa Pàãyiidɛnaa din lɛ na á pɛ.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Minin nimi 13:23

Bɛ kio, ga bǎã ganaa wolen lɛn nə́ woo yǎa Ɛsikɔli a nyankɔrɔ lɛ kɛ nɛ. Walan nɛ, ǹ nə́ rezɛ̃ da gùrù goon yiɛ, nɛ lɛa a san ganaa, ǹ min paa gũ ka bàlà nɛ. Ǹ nə́ grenadie da nɛ laanka gɔ́rɔ nɛ dɔ na ǹ gɔn.

Zaã a sɛ́wɔ 6:13

Ɔrzi buuru sooro lɛ lɛkoron mɛnɛn nə goã a sɔ̃lin lɛn lon, a kialandɛnan lɛn nə́ bɛn goa ǹ nə́ kankaan fulupaa pã nɛ.

Zaã a sɛ́wɔ 6:9

mà nɛginin goon tá kànaa, *ɔrzi buuru sooro tá a gɔn, ka zɔ̀ màn paa nɛ. Sɛnɛ, mà bɛ n wàa ǹ bǐɛ̃ koe bɛa min gigiã kɛ ganaa?

Timəə dí-pɛn 32:13

Á giã ǹ bǎã kɔ ǹ la kele yii ni, ǹ nə́ wuru bɔ, ǹ nə́ màn yɛ ǹ nə́ bii. Á zoo bɔ kele yala-n á kɔ ǹ la ǹ nə́ bii, á *olivie dan kaa bɔ ganaa pára kaka la.

Timəə dí-pɛn 32:14

A din na á diin laanka sèren nyɔ kɔ ǹ la ǹ nə́ mi. A din na á siĩ nyɔɔnaa kɔ ǹ la ǹ nə́ sɔ̃, sère nyɔɔnaan manɛ, Basan a sère gɔ̀lɔ̀n kɛn tɔrɔn manɛ, ka butumun nyɔɔnaan nɛ. Á *belee sonbore kɔ ǹ la ǹ nə́ bii, á duvɛ̃ kɔ ǹ la ǹ nə́ mi, *rezɛ̃ da a nɛ kɛ lɛ.

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Timəə dí-pɛn 8:7

Kaa Lawa, Dɛnaa Lawa lɛ n die woe ka kiɛ gána sonbore ne. Bɛa gána lɛ a mu bǎãn nə́ mɔnaa. Mu pìãn tá a nɛ, ǹ mu n soe diə bǎãn laanka kele bǎãn nɛ.

Timəə dí-pɛn 8:9

Ǹ ba re kaa màn-bii zoɛ̃ walan, bɛ̀ ǹ tɔn kɔ ka la wa, màn kɔn dɔ a re nyaabiɛ ka ganaa wa. Fɔlɔ n yii bɛa gána lɛ a kɔlɔn li, ǹ zan bɔ a kelen la.