Timəə dí-pɛn 8:5 - LAWA A BOO SONBORE

⁵ Ka dɔ̃ ka bɛ lɛ-n kəni, mà kaa Lawa, Dɛnaa Lawa lɛ n giɛ li a ka doroo, ka díi bɛ́ a nɛ doree lɔn.

LAWA A BOO SONBORE 2011

⁵ Ka dɔ̃ ka bɛ lɛ-n kəni, mà kaa Lawa, Dɛnaa Lawa lɛ n giɛ li a ka doroo, ka díi bɛ́ a nɛ doree lɔn.

Timəə dí-pɛn 8:5 ပူးပေါင်းရင်းမြစ်များ

Samayeli2 7:14

Ma á re n biɛ a díi lɛa, a dɔ á re n biɛ maa nɛ lɛa. Bɛ̀ á sii baraa zɛnaa, man die minin biɛ a doroo ǹ bàlà lɛa, ma minbuiinin kaa a ganaa ǹ dɔlɔ bɔ a ganaa.

Loen 89:32

bɛ̀ ǹ nə́ maa gɔn waaman boon kɛn tii, ǹ nə́ ǹ ba maa dí-pɛn kɛn tamaɛ wa,

Loen 94:12

Dɛnaa Lawa, n bɛ́ min mɛn doree, n nə́ daraa koe la ka n din a boo ne, bɛa dɛnaa wɔ na á bǐɛ̃ kɔ.

Suusun 13:24

Min mɛn bɛ́ a ba a nɛ dii wa, a na a ba narɛ wa. Sɛnɛ, ǹ mɛn bɛ́ a wɔ doree, bɛ n nyɛɛ mà a n narɛ.

Suusun 3:11

Maa nɛ, n nyan nə n piã ka Dɛnaa Lawa a gɔn waa ǹ boon ne wa. N nyan nə n la bɔ ǹ ganaa wa.

Suusun 3:12

Sonbore, Dɛnaa Lawa bɛ́ min mɛn narɛ, a n bɛa dɛnaa doree ka díi bɛ́ a foo nɛ doree lɔn.

Boo-laakalaali 7:14

Nyɛnyɛɛ biikoo li, n nyɛnyɛɛ. Nɔmaa biikoo li, n taasɛ. Lawa bɛ́ á yii-nyɛɛ lɛ zɛnaa lɔn, a na á nɔmaa lɛ dɔ zɛnaa miɛ̃, màn mɛn bɛ́ toɛ, minbuiinin baran ǹ dinin biɛ̃ ǹ sii kɔn dɔ̃ wa.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Ezekieli 12:3

Nsɛ minbuiin a nɛ, n too kɔ! N mànan sɔkɔn, ka wo bɛ̀rɛbaa ǹ bǎã-n wole a mànan bɛ́ lɔn. N soo penleen tiɛɛ̃nɛ ǹ dinin yii ni, n woo. N die n soo n nə n bɔ bǎã kɛ nɛ, n wo bǎã kɔsɔ nɛ ǹ dinin yii ni. Kɔntan ǹ tá re doɛ̃ ka bɛ nɛ, màn ǹsɛn man piã-wɔlen lɛa.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Timəə dí-pɛn 1:31

ka diə gole kɛ dɔ gɔ́ɔ̃ nɛ. Ka dinin bɛ́ ká yɛ. Ka zii tɔ mɛn tumaa wɔ ká tɔ́n dɔ bǎã kɛ lɛ nɛ, kaa Lawa, Dɛnaa Lawa lɛ na á ka tamaa bɛ gɔ́ɔ̃ nɛ, ka min bɛ́ a nɛgiĩ siɛ, bɛ̀ a tamaa a kolo-n lɔn.»

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 8:6

Ka kaa Lawa, Dɛnaa Lawa lɛ a gɔn waa ǹ boon tamaa, ka kɔ a dùũ siin lɛ, ka nyɛ́ɛ baa nɛ.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.