Timəə dí-pɛn 8:2 - LAWA A BOO SONBORE

² Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

LAWA A BOO SONBORE 2011

² Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 8:2 ပူးပေါင်းရင်းမြစ်များ

Siin Giala 22:1

Bɛa siin lɛn kio, Izaaki bɛ́ á gole kɔ, Lawa nə́ n da Abrahamu gɔ́ɔ̃ li. Á lɛ dia la, Abrahamu ná a lɛ si: «Ma á ke!»

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

KZS2 33:12

A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

Nehemii 9:19

Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Zɔbu 33:17

Lawa n bɛ zɛnɛɛ, màn mɛn bɛ́ toɛ, a ǹ kanbaa ǹ nya ǹ dín lɛn ganaa, a ǹ kanbaa din gole kɔ ganaa.

Loen 103:2

Man barka diɛ Dɛnaa Lawa nɛ, ka ma foo tumaa nɛ, ma yiri ná a boe a bǐɛ̃-zɛnaa kɛ goon ganaa wa.

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Loen 136:16

Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

Loen 77:11

Man má goã pii: Maa nɔmaa lɛ mìi n ka kɛ nɛ: Lon a Lawa gole lɛ pàã na a banban doo wa.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Bɔ bɛ̀rɛbaa nɛ 15:25

Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ. Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn.

Bɔ bɛ̀rɛbaa nɛ 16:35

Izirayeli nɛnyaanan lɛn man nə́ maánə bii lɛ̀ pusi gɔ́ɔ̃ nɛ, yǎa ǹ nə́ woo dɔ giã ǹ gána kɔ́n nɛ, bɛ n ka Kanaan gána nɛ.

Bɔ bɛ̀rɛbaa nɛ 16:4

Dɛnaa pɛ Muizu ni kɛnɛn: «Man die màn-bii boe lon, ma kaa tán ǹ wɔ lɛa. Zaman lɛ á re soe baraabaraa, ǹ nə ǹ lɛawaa gogoon màn-bii goa. A n die n zɛnɛɛ miɛ̃, màn mɛn bɛ́ toɛ, man da ǹ gɔ́ɔ̃ li, ma ga ǹ ganaa, bɛ̀ ǹ tá re tɔ we a kɔnpɛ ka maa boo ne, hinlaa bɛ̀ ǹ ba re tɔ we a kɔnpɛ-n wa.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Ezekieli 20:19

Ma din Dɛnaa Lawa n kaa Lawa lɛa. Ka tɔ wɔ a kɔnpɛ maa landa boon kɛn nɛ, ka maa sii yɔrɔ bɔ ǹ boon kɛn tamaa, ka kɔ ǹ lɛ.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Minin nimi 14:33

Kaa nɛnyaanan lɛn tá re n binbirin boe diə gole lɛ nɛ, lɛ̀ pusi gɔ́ɔ̃ nɛ. Kaa bɔlɔgoonbaãdɛnaa siin lɛn nɔmaa n die goɛ̃ kaa nɛnyaanan lɛn kio, yǎa ka dinin kɛn tumaa giɛ̃ ka nyɛɛ diə gole kɛ nɛ.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Zaã a sɛ́wɔ 2:25

a laadoo din ba a ganaa mà min siére pɛ asɛ nɛ minbuiin nɛ wɔ gɔn la wa; taasiɛ mɛn bɛ́ minbuiin nɛ gɔ́ɔ̃ nɛ, asɛ á doɛ̃.

Timəə dí-pɛn 1:3

Izirayeli minin lɛn soo Ezipti lɛ̀ pusi, a mui fulugoonbaa ǹ wɔ a lɛawaa bibinaa pinaa, Muizu boo da ǹ nɛ, á kɔnpɛ ka gɔn waa ǹ boon kɛn tumaa nɛ, Dɛnaa Lawa kɔ la, ǹ wɔ lɛa.

Timəə dí-pɛn 1:33

A da yaa, ka zii mɛn saa ká n tɔ we la, a din Lawa lɛ na á goã ka nyɛɛnaan boe ka tɛ fúlu ni tèlò-n, ka tɛmaa bara nɛ lɛawaa li, bɛ̀ a ga giã ǹ bǎã li, bɛ̀ a kɔ ka la.

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Timəə dí-pɛn 29:5

Ka màn mɛn sɔ̃, buuru bie wa, ka màn mɛn mi, duvɛ̃ laanka yɔ kakaarɛ bie wa. Man má bɛ zɛnaa, màn mɛn bɛ́ toɛ ka dɔ̃, mà ma din Dɛnaa Lawa lɛ n kaa Lawa lɛa.

Timəə dí-pɛn 32:7

Ka n yiri kɔ ka lɛlɛ siin lɛn nɛ, ka n taasɛ ka lɛ̀n kɛn nɛ ǹ nə́ kiɛ̃. Ka nɔ̀n da kaa díin la, ǹ tá re a yɔrɔ pii ka nɛ, ka nɔ̀n da kaa min golen la, ǹ tá re pii ka nɛ.

Timəə dí-pɛn 7:18

Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Zaaki 1:3

A giala, ka á doɛ̃, bɛ̀ kaa golee Lawa li nə́ n si nɔmaa la, bɛ lɛ n die ka sii simaa nɛ.

Zaaki 4:10

Ka n dinin gisĩ Dɛnaa giulun, á die ka mìi siɛ lon.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii yɔrɔ-bɔlen 2:22

Dɛnaa Lawa na á n da Izirayeli minin lɛn gɔ́ɔ̃ li ka bɛn lɛn sii ni. A na á goã giɛ li a dɔ̃, bɛ̀ ǹ tá re asɛ a zii kɛ tamaɛ, ǹ kɔ lɛ ka ǹ digolon bɛ́ ǹ nə́ zɛnaa lɔn hinlaa bɛ̀ ǹ ba re zɛnɛɛ miɛ̃ wa.»

Sii yɔrɔ-bɔlen 3:4

Dɛnaa Lawa na á bɛa tɔrɔn lɛn toa walan a tá n diɛ Izirayeli minin lɛn gɔ́ɔ̃ li ni, màn mɛn bɛ́ toɛ a dɔ̃, bɛ̀ ǹ tá re asɛ a gɔn waa ǹ boon kɛn tamaɛ, asɛ nə ǹ mɛnɛn lɛn kɔ Muizu la mà a ǹ kɔ ǹ digolon la.