Timəə dí-pɛn 8:19 - LAWA A BOO SONBORE

¹⁹ Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

LAWA A BOO SONBORE 2011

¹⁹ Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Timəə dí-pɛn 8:19 ပူးပေါင်းရင်းမြစ်များ

Zeremii 25:6

Ka nyan kɔ dìn lɛ ka ǹ guguru kɔ, ka n musin doa tán-a ǹ yɔrɔ-a wa. Ka nyan ma foo yoo ka dì nyín zɛnaa-n wa. Bɛa yɔrɔ lɛ la, ma a re baraa kɔn zɛnɛɛ ka-n wa.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 3:6

Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Luku 13:3

Haayii! Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.

Luku 13:5

Haayii. Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.»

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Zozoe 23:13

ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Samayeli1 12:25

Sɛnɛ, bɛ̀ ká sii baraa zɛnaa, ka tá re bɔ̀n biɛ, ka dinin laanka kaa kii lɛ nɛ.»