Timəə dí-pɛn 8:17 - LAWA A BOO SONBORE

¹⁷ Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.

LAWA A BOO SONBORE 2011

¹⁷ Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.

Timəə dí-pɛn 8:17 ပူးပေါင်းရင်းမြစ်များ

Zɔbu 31:25

Ma bin nə n nyɛnyɛɛ maa màn a mɔnaabaa kɛ taman yii wa. Ma bin nə n nyɛnyɛɛ ma gɔn màn a gigiãbaa kɛ taman yii wa.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Boo-laakalaali 3:6

Ga màn li biikoo tan, màn a papaã biikoo tan. Màn-koa biikoo tan, màn-daa biikoo tan.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Zeremii 9:22

Dɛnaa Lawa bɛ́ boo mɛn diɛ, á ke: Sii-dɔ̃li doamaa bie a n din kalaa wa. Min kaka doamaa bie a na a din a kakabaa kalaa wa. Pàãmaa doamaa bie a na a din a pàãmabaa kalaa wa.

Ezekieli 28:5

N sii-doɛ̃ gole lɛ taman yii, n pii-kɔ lɛ taman yii, n naforo lɛ mɔnaa. N naforo lɛ nɛ, ń nə́ n saa li, ń nə́ n din gole kɔ.

Ozee 12:8

Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

Abakuku 1:16

Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Timəə dí-pɛn 7:17

Kɔntan ka á re taasɛ ka gɔ́ɔ̃ nɛ, mà tɔrɔn kɛn lɛn tá gigiã ǹ nə́ la kasɛn manɛ, mà kasɛn man siɛ lɔn, ka boo ǹ la, ka ǹ loo?

Timəə dí-pɛn 9:4

Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.

Sii yɔrɔ-bɔlen 7:2

Dɛnaa Lawa pɛ Zediɔ̃ nɛ: – Zaman mɛn bɛ́ kunun n ni, ǹ tá mɔnaa nɛ á la yii ni. Bɛ̀ ma Madiã minin lɛn wɔ ǹ gɔn ka kɛa yɔrɔ kɛ nɛ, Izirayeli minin tá re n dinin gole koe masɛ ganaa ǹ pɛ mà ǹsɛn dinin pàã na á ǹsɛn kirisibaa.

Samayeli1 2:7

Dɛnaa Lawa din ni min biɛ doobaa lɛa a din ni min dɔ biɛ pàãma lɛa. A din ni min kiɛɛrɛ koe a din dɔ n min siɛ lɔn.

Samayeli1 30:23

Sɛnɛ Davida pɛ: «Ma dɔɔ̃nɔn lɛn, Dɛnaa Lawa màn mɛn kɔ wɔ la, ka baran n baa bɛ la kɛnɛn wa. A giala, Dɛnaa Lawa din na á wɔ tamaa, sɔraasin mɛnɛn nə́ goã ǹ nə́ daa wɔsɛn gialaa, a din na á ǹ wɔ wɔ gɔn.