Timəə dí-pɛn 8:16 - LAWA A BOO SONBORE

¹⁶ Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

LAWA A BOO SONBORE 2011

¹⁶ Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 8:16 ပူးပေါင်းရင်းမြစ်များ

Siin Giala 22:1

Bɛa siin lɛn kio, Izaaki bɛ́ á gole kɔ, Lawa nə́ n da Abrahamu gɔ́ɔ̃ li. Á lɛ dia la, Abrahamu ná a lɛ si: «Ma á ke!»

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

Zɔbu 42:12

Dɛnaa Lawa wusoo á barka da Zɔbu ganaa bɛ kio, á la a lɛlɛ ǹ nɛ. A sèren man duu fulu sii (14 000), nyɔɔmaa duu sɔrɔ (6 000), buu kɔsɔ ǹ dii duu paa (2 000), ka dundun dan duu goon (1 000).

Loen 119:68

N tá siĩni, n tá sii sonbore zɛnɛɛ. Ma daraa n foo sii boon kɛn ganaa.

Bɔ bɛ̀rɛbaa nɛ 15:25

Muizu tɔ́n Dɛnaa nyankɔ, yǎa Dɛnaa da tɔrɔ kɔ́n nyaa nɛ. A ná a gɔn boɛɛn kuru, á zũ mu lɛ li, mu lɛ kɔɔ̃n kɔ. Dɛnaa na á sii zɛnaa ǹ gɔnɔn laanka landan koa ǹ mìi-n walan lɛ nɛ, á n da ǹ gɔ́ɔ̃ li dɔn.

Bɔ bɛ̀rɛbaa nɛ 16:15

Izirayeli nɛnyaanan lɛn nə́ ga a ganaa, ǹ nə́ pɛ kɔn nɛ kɛnɛn: «Kɛ n wàa lɛa?» A giala, a bɛ́ màn mɛn lɛa, ǹ goã bɛ doɛ̃ wa. Muizu pɛ ǹ nɛ: – Màn-bii ni, Dɛnaa n koe ka la mà ka bii.

Bɔ bɛ̀rɛbaa nɛ 16:31

Izirayeli minin lɛn nə́ bɛa màn-bii soree kɛ lɛ bíi *maánə. A na á goã ka da we tɔrɔ bisin kɔ́n bɛ́ lɔn, a n fu, kɔɔ̃n ka zoo mɔ̀mɔ bɛ́ lɔn.

Bɔ bɛ̀rɛbaa nɛ 16:4

Dɛnaa pɛ Muizu ni kɛnɛn: «Man die màn-bii boe lon, ma kaa tán ǹ wɔ lɛa. Zaman lɛ á re soe baraabaraa, ǹ nə ǹ lɛawaa gogoon màn-bii goa. A n die n zɛnɛɛ miɛ̃, màn mɛn bɛ́ toɛ, man da ǹ gɔ́ɔ̃ li, ma ga ǹ ganaa, bɛ̀ ǹ tá re tɔ we a kɔnpɛ ka maa boo ne, hinlaa bɛ̀ ǹ ba re tɔ we a kɔnpɛ-n wa.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.