Timəə dí-pɛn 8:14 - LAWA A BOO SONBORE

¹⁴ Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

LAWA A BOO SONBORE 2011

¹⁴ Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 8:14 ပူးပေါင်းရင်းမြစ်များ

Kiin2 14:10

Ń boo Edɔmu minin la, bɛ lɛ a din koa nɛ n tá we, bɛ n taãn lɛa. N gùrùn dii, sɛnɛ, giã n bǎã nɛ! Wàa na á baa n tá ǹ gòãn kiɛ zia nɛ, zia mɛn nə́ ke die bɔ̀n diɛ n ganaa, n din ni kɔnlɛ ka Zudaa minin lɛn nɛ.

Kiin2 17:38

Ma lɛ kɔ kɔn la mɛn wɔ ka nɛ, ka yiri baran bɔ ka bɛ-n wa: Ka baran lawa kɔsɔn guguru kɔ wa.

KZS2 26:16

Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

Loen 106:21

Ǹ yiri bɔ ka ǹ kirisibaali Lawa kɛ nɛ, Lawa mɛn goã á sii dadaran zɛnaa Ezipti,

Loen 78:7

Ǹ pɛ ǹ nɛ mà ǹ nə n foo doa Lawa ganaa, ǹ yiri nyan bɔ ka a nya ǹ dí dadaran kɛn nɛ wa, ǹ na a dí-pɛn dɔn tamaa.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 23:27

Maǹ zoɛ̃ li mà maa zaman lɛ yiri bɔ ka ma tɔ nɛ, ǹ narɛɛn kɛn lɛa ǹ tá kalɛɛ kɔn nɛ, ka ǹ digolon yiri bɔ ka ma tɔ-n lɔn ǹ nə́ kɔ Baali lɛ.

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Minin nimi 15:39

Bɛa yɔrɔ lɛ la, wɔ ǹ dɔnkɛn mɛnɛn nə́ ke ka pasa ka-a, ka die ka bɛn wɔ. Bɛ̀ ka bɛa pasa lɛ yɛ, ka yiri tá re gisĩ masɛ a dí-pɛn tumaa nɛ, ka kɔ ǹ lɛ. Bɛ á die toɛ ka n ka a re tɔ we ka foo dùũ laanka ka yii dùũ kio, ka màn kɔsɔn guguru kɔ wa.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 17:20

Bɛ n die toɛ, a ba re n din gole koe a tɔrɔ minin lɛn ganaa wa, a re gɔn waa ǹ boon kɛn dɔn lɛ tii, a kanaa a wo gusin hinlaa gɔsɛ wa. Bɛ̀ á zɛnaa miɛ̃, a din laanka a tɔrɔn tá re boe la ǹ giã Izirayeli minin lɛn mìi la, ǹ belebɔ nɛ.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 5:6

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.

Timəə dí-pɛn 6:11

kionən ne, piɛ̃ nɛ ka màn sonbore tɔrɔ tumaa nɛ, kasɛn dɔn bie ká ǹ kaa ǹ nɛ wa, tùn ni foɛ̃-n gɔrɔ, kasɛn dɔn bie ká ǹ fɔ̃ wa, ka *rezɛ̃ dan laanka *olivie dan nɛ, kasɛn dɔn bie ká ǹ zumu wa. Bɛ̀ ká màn bii ká kã kəni,

Timəə dí-pɛn 8:11

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, a sii yɔrɔ bɔ ǹ boon laanka a landa boon ne, ka yiri bɔ, ka nyan bɛn da ka gɔn para-a, n ka yiri yǎa kiɛ̃ boe ka kaa Lawa, Dɛnaa Lawa lɛ-n wa.

Timəə dí-pɛn 8:13

kaa tɔɔ dadaran laanka kaa tɔɔ bisinin tá re mɔnɛɛ, ka á re wɔrɔ gigiã laanka sana gigiã yii ka màn sonbore tɔrɔ tumaa nɛ.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.