Timəə dí-pɛn 7:9 - LAWA A BOO SONBORE

⁹ Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

LAWA A BOO SONBORE 2011

⁹ Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

Timəə dí-pɛn 7:9 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 9:15

ma á re n yiri koɛ bɛ nɛ. Mu ba re yii miɛ̃ doo, a gole kɔ, a màn yiikoonaa kɔ́n bɔ̀n baa wa, haalɛ tà a mànan dan din nə lɔn.

Kiin1 8:23

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.

KZS1 16:15

Ka n yiri kɔ a lɛ kɔ kɔn la kɛ nɛ biikoo tumaa li. Ka yiri nyan bɔ ka a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

KZS2 6:14

– Dɛnaa Lawa, Izirayeli a Lawa, lon laanka tán la, lawa kɔn banban ka nsɛ bɛ́ lɔn wa. Lɛ kɔ kɔn la laanka kɔn-narɛɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, n nə n bǐɛ̃ koe bɛn ganaa.

Nehemii 1:5

Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Loen 105:8

A nə n yiri koɛ a lɛ kɔ kɔn la kɛ-n biikoo tumaa li. A yiri a boe a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 146:6

Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.

Loen 36:6

Dɛnaa Lawa, n kɔn-narɛɛ gole lɛ n woe yǎa lon, n bǐɛ̃ duduu lɛ n woe yǎa labaran ganaa.

Bɔ bɛ̀rɛbaa nɛ 20:6

Sɛnɛ, man maa bɔlɔgoondɛnaabaa nyɛɛ maa narɛɛ wolen laanka maa dí-pɛn tamaa wolen manɛ, yǎa nɔ̀ɔ duu gigiã.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Zeremii 32:18

N bɔlɔgoondɛnaabaa n nɔ̀ɔn duu damata wɔ lɛa. Sɛnɛ, n nə ǹ díin sii baraa a dɔlɔ boe ǹ nɛnyaanan ganaa. N din ni Lawa gole lɛa, pàã nə n lon. N tɔ n Dɛnaa Lawa Pàãyiidɛnaa.

Busii pɛ 3:23

Maǹ màn dii lɛa baraabaraa baayɛlɛ. A bɔlɔgoondɛnaabaa miã banban.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Korɛnti1 10:3

Màn-bii mɛn bɔ Lawa li, ǹ tumaa na á goã bɛ bii kun,

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Korɛnti2 1:18

Lawa n maa siére lɛa, ma boo mɛn da ka nɛ, a bie «Hiĩ, hiĩ» laanka «Haayii, haayii» lɛa wa koe.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Timəə dí-pɛn 5:10

Sɛnɛ, min mɛnɛn bɛ́ masɛ narɛ, ǹ nə masɛ a gɔn waa ǹ boon kɛn tamaɛ, man maa bǐɛ̃ kɛ zɛnɛɛ bɛn tɔrɔ duu gigiã nɛ.

Tesaloniki1 5:24

Lawa mɛn lɛ ka bíi, a n bɔlɔgoondɛnaa lɛa; a din lɛ dɔ n die zɛnɛɛ.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Timote2 2:13

Ta wɔ a bɔlɔgoondɛnan lɛa wa, asɛ á die goɛ̃ bɔlɔgoondɛnaa lɛa, a giala, a boe la a n piã ka a din bɔlɔ-n wa.»

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 10:23

Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 11:11

Golee Lawa li na á toa, Abrahamu boo la á nɛ yɛ, a laanɛ á zizi kɔ, a lɔ Saaraa dɔ ná a ba boe la, a nɛ yɛ doo wa. A na á waa la, mà Lawa nə n lɛ kɔ la ka sii mɛn nɛ, mà á re bɛ zɛnɛɛ.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.