Timəə dí-pɛn 7:4 - LAWA A BOO SONBORE

⁴ Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

LAWA A BOO SONBORE 2011

⁴ Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Timəə dí-pɛn 7:4 ပူးပေါင်းရင်းမြစ်များ

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Timəə dí-pɛn 20:18

Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Zozoe 22:15

Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:20

Dɛnaa Lawa foo yoo Izirayeli minin lɛn li, á tɔ́n pɛ: «Tɔrɔ kɛ lɛ a minin nə́ maa lɛ kɔ kɔn la ziziɛ̃, lɛ kɔ kɔn la kɛ lɛ má wɔ ka ǹ digolon ne. Ǹ nə n too kɔ maa boo-a wa.

Sii yɔrɔ-bɔlen 3:6

Ǹ nə́ bɛa tɔrɔn lɛn nɛlɔn goa lɔn lɛa, ǹ dɔn nə́ ǹ nɛlɔn kɔ bɛn nɛgiĩn la. Ǹ nə́ dí nya ǹ lawan manɛ.