Timəə dí-pɛn 7:25 - LAWA A BOO SONBORE

²⁵ Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

LAWA A BOO SONBORE 2011

²⁵ Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Timəə dí-pɛn 7:25 ပူးပေါင်းရင်းမြစ်များ

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

KZS1 14:12

Bɛa bǎã kɛ lɛ nɛ, Filisiti minin lɛn nə́ ǹ dìn kaa. Davida pɛ mà ǹ nə ǹ goa ǹ nə ǹ tã.

Bɔ bɛ̀rɛbaa nɛ 20:17

- N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Bɔ bɛ̀rɛbaa nɛ 8:26

Muizu soo á n bɔ Faarahɔn li, á woo Dɛnaa nyankɔ.

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 41:24

Sɛnɛ, kaa màn kɔn din lɛa wa. Ka bɛ́ siin mɛnɛn zɛnɛɛ, kooro ne. Min mɛn bɛ́ ka biɛ lawa lɛa, bɛ n min bɔbɔnɛɛ lɛa.

Lawa a wúlu-bɔlen 13:52

Bɛ̀ mɔnaa lɛ nɛ, bɛ̀ mɔnaa wùsu ni, ta sère ka dɔnkɛ hinlaa ta boosa wɔ lɛ nɛ, hinlaa ta màn woo màn nɛ, ǹ nə́ zɛnaa ka ki ni, bɛa sulii bǎã kɛ lɛ ná a ganaa, wúlu-bɔle lɛ bɛ tã. Min bɛ́ a bie boe la á bɛa gɔ̀ babaraa lɛ boe wa, màn lɛ doamaa nɛ a n tã.

Lawa a wúlu-bɔlen 19:4

Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.

Sofonii 1:3

Man die minbuiin nɛn laanka tɔɔn bɔ̀n biɛ. Man die lon a bàanan laanka mu li ǹ zɔ̀nɔn bɔ̀n biɛ, man die min baraan bɔ̀n biɛ, kɔnlɛ ka màn mɛn tumaa bɛ́ minin boe ǹ kiɛ. Man n die minbuiin nɛn papaɛ̃ ma ǹ bɔ tán la. Dɛnaa Lawa a da ǹ boo ne.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.

Timəə dí-pɛn 13:16

ka bɛa kiwi lɛ a min tumaa dɛ, ka a tɔɔn tumaa nɛ, ka ziziɛ̃ lenlen, kɔnlɛ ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 17:1

Bɛ̀ wɔ̀lɔ̀ tá dii hinlaa sère ganaa, ta wɔ̀lɔ̀ tɔrɔ mɛn nɛ, ka nyan toa ka bɛ kɔ kaa Lawa, Dɛnaa Lawa la *wúlu màn lɛa wa. A giala, bɛ n sii bɔbɔnɛɛ lɛa kaa Lawa, Dɛnaa Lawa yii li.

Timəə dí-pɛn 23:18

Izirayeli minin bii, a nyan toa a yɛ nɛlɔ hinlaa nɛginin lɛa, ǹ mɛn bɛ́ n din koe wo dì la ǹ kɔrɔbaa kɛ la wa.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".