Timəə dí-pɛn 7:18 - LAWA A BOO SONBORE

¹⁸ Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

LAWA A BOO SONBORE 2011

¹⁸ Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

Timəə dí-pɛn 7:18 ပူးပေါင်းရင်းမြစ်များ

Loen 105:5

Ka n yiri koa a kaãbaa ǹ siin kɛn nɛ, á ǹ zɛnaa, a sii-nyaa ǹ siin kɛn nɛ, ka kiri boon kɛn nɛ, ǹ nə́ soo a lɛ-n.

Loen 77:11

Man má goã pii: Maa nɔmaa lɛ mìi n ka kɛ nɛ: Lon a Lawa gole lɛ pàã na a banban doo wa.

Loen 77:12

Ma nə n yiri gisĩ Dɛnaa Lawa a sii dadaran nɛ. Hiĩ, ma nə n yiri koɛ n lɛlɛ a kaãbaa ǹ siin ni.

Loen 78:11

Ǹ yiri bɔ ka a nya ǹ dí dadaran kɛn nɛ, a kaãbaa ǹ siin mɛnɛn nyaa ǹ nɛ, ǹ yiri bɔ ka bɛn nɛ.

Minin nimi 13:9

Rafuu a nɛgiĩ Paltii n Bɛnzamɛn tɔrɔn wɔ lɛa,

Minin nimi 21:34

Dɛnaa Lawa pɛ Muizu ni: «N baran nyɛ́ɛ baa-n wa. Masɛ á die we n gɔn, kɔnlɛ ka a zaman tumaa laanka a gána nɛ. Amɔɔrɔ tɔrɔn kii Sihɔn kɛ lɛ á goã pàã la Ɛsibɔn kiwi, a goã á sii mɛn zɛnaa bɛ nɛ, bɛ lɛ miã zɛnaa Ɔgu dɔ nɛ.»

Timəə dí-pɛn 1:21

Ka ga, kaa Lawa, Dɛnaa Lawa na á gána kɛ lɛ koa tán ka yɔrɔ-a. Ka woo, ka si ka baa kaa wɔ lɛa, ká ka digolon Lawa, Dɛnaa Lawa lɛ goã á n lɛ kɔ ka la ka a sii-n lɔn. Ka baran nyɛ́ɛ baa wa, ka gù baran gã wa.»

Timəə dí-pɛn 1:29

Masɛ Muizu tɔ́n pɛ ka-n kɛnɛn: «Ka gɔ̀nɔn baran bìn da wa, ka baran nyɛ́ɛ baa ǹ nɛ wa.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Timəə dí-pɛn 3:6

Wɔ́ ǹ yu lenlen, giĩn ni, lɔn nɛ ka nɛnyaanan nɛ, wɔ́ bɛn dɛ, ka wɔ goã wɔ́ zɛnaa Ɛsibɔnɔn kii Sihɔn nɛ lɔn. Wɔ n wɔ́ goã wɔ́ bɛ dɔ a kiwin tumaa yu.

Timəə dí-pɛn 31:5

Dɛnaa Lawa á re ǹ we ka gɔn. Ma pɛ ka-n lɔn, ka ǹ baa miɛ̃.

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Zozoe 8:1

Dɛnaa Lawa pɛ Zozoe ne: «N baran nyɛ́ɛ baa wa, n foo baran biɛ na wa. Zia-baali zaman lɛ tumaa bii n nə ǹ kaa kun ka n din ni, n yoo n wo Ayii minin lɛn gialaa. Á ke, má Ayii kiwi a kii kɛ wɔ n gɔn, a zaman nɛ, kiwi lɛ din ni, ka a bǎã tumaa nɛ.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.