Timəə dí-pɛn 7:13 - LAWA A BOO SONBORE

¹³ Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

LAWA A BOO SONBORE 2011

¹³ Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.

Timəə dí-pɛn 7:13 ပူးပေါင်းရင်းမြစ်များ

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Zɔbu 1:10

N din bɛ́ n nə n kɔ Zɔbu paǹ tumaa lɛ, bɛ lɛ bie wa? A din ni, a kion ne, ka a gɔn màn tumaa nɛ, n bɛ́ ń bɛ tamaa, bɛ lɛ a lɛa bie wa? N din ni ń barka da a nya ǹ dí ganaa. A tɔɔn nə́ ke wɔlɔ yii-n sababa gána lɛ gɔ́ɔ̃ nɛ.

Zɔbu 42:12

Dɛnaa Lawa wusoo á barka da Zɔbu ganaa bɛ kio, á la a lɛlɛ ǹ nɛ. A sèren man duu fulu sii (14 000), nyɔɔmaa duu sɔrɔ (6 000), buu kɔsɔ ǹ dii duu paa (2 000), ka dundun dan duu goon (1 000).

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 107:38

Lawa n barka diɛ ǹ ganaa, màn nə miɛ̃ ǹ li, ǹ nə́ mɔnɛɛ, Lawa a toɛ màn nə n bɔ ǹ tɔɔn lɛ wa.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 127:3

Ka ga, Dɛnaa Lawa na á nɛnyaanan kɔ sumu a kíɛ̃ lɛa, là gole ne Dɛnaa Lawa kɔ.

Loen 146:8

Dɛnaa Lawa n yii tere-an yii buĩ. A din nə talaa wolen kuĩ ǹ koɛ lon. A n min peperen narɛ.

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Suusun 15:9

Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Lawa a wúlu-bɔlen 26:9

Ma á re n yɔrɔ bǐɛ̃ diɛ ka la. Ma á re toɛ ka nɛnyaanan yɛ ǹ bulu bɔ. Ma lɛ kɔ kɔn la mɛn wɔ ka ka nɛ, ma a die bɛ toɛ̃ wa.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 15:10

Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Zaã a sɛ́wɔ 16:27

A giala, maa Díi dinmaa tá ka narɛ. A n ka narɛ a giala, ka dɔn tá masɛ narɛ, ka waa la dɔn, mà masɛ n má bɔ Lawa li má daa.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 28:11

Dɛnaa Lawa nə n lɛ kɔ ka digolon la mà á re bǎã mɛn lɛ koe ka la, á re yii-nyɛɛ koe ka la bɛa gána lɛ nɛ: á re toɛ ka gɔ́ɔ̃gɔ́ɔ̃ ǹ nɛnyaanan nə mɔnaa taãn-taãnɛ, kaa tɔɔn nɛ, ka ka bɛ́ màn mɛn yii kaa tán dí gɔ́ɔ̃ nɛ.

Timəə dí-pɛn 30:5

Ka digolon nə goã gána mɛn lɛ nɛ lɛlɛ, á re wusii a da ka ka-n walan, á re kaa wɔ biɛ. Á re bǐɛ̃ zɛnɛɛ ka nɛ, a ka mɔnaa a la ka digolon kɛn manɛ.

Timəə dí-pɛn 7:7

Bɛ̀ ń yǎa Dɛnaa Lawa tá ka narɛ, bɛ̀ ń yǎa á ka bɔ, a bie ka ka n mɔnaa-n ká la tɔrɔ gialakunun kɛn tumaa-n wa. Ka dinin man tɔrɔ kɔsɔn lɛn tumaa a boɛɛn lɛa.