Timəə dí-pɛn 6:5 - LAWA A BOO SONBORE

⁵ N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

LAWA A BOO SONBORE 2011

⁵ N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Timəə dí-pɛn 6:5 ပူးပေါင်းရင်းမြစ်များ

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin2 23:25

KIIN mɛnɛn nə kiɛ̃ Zoziasi nyɛɛn lɛlɛ, ǹ kɔn nə yɛ ka a bɛ́ lɔn, á wusoo á daa Dɛnaa Lawa ganaa ka a foo din tumaa nɛ, ka a gɔ́ɔ̃ din tumaa nɛ, ka a taasiɛ din tumaa nɛ, á kɔnpɛ ka Muizu a dí-pɛ kɛ tumaa-n wa. Zoziasi kio, kii kɔn yɛ ka a bɛ́ lɔn wa.

KZS2 15:12

Ǹ tumaa lɛ kɔ kɔn la wɔ ka Dɛnaa Lawa nɛ, mà ǹsɛn tá re giɛ ǹ digolon Lawa lɛ li ka ǹ foo tumaa nɛ, ka ǹ yiri tumaa nɛ.

KZS2 34:31

Kii lɛ golee lon a golee ǹ bǎã nɛ, á lɛ-kɔ dii wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, a na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ, kiɛ̃ nɛ sɛ́wɔ lɛ nɛ.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 31:24

Ka Dɛnaa Lawa narɛ, kasɛn mɛnɛn tumaa bɛ́ a wɔn lɛa. Dɛnaa Lawa n goleemali wolen tamaɛ. Sɛnɛ, min mɛnɛn bɛ́ n dinin gole koe, a n dɔlɔ babaraa boe bɛn ganaa.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Matiə 22:37

Yezu tɔ́n pɛ nɛ: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ.»

Marki 12:30

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.»

Marki 12:33

Bɛ lɛ na á toa, min doamaa nɛ a Lawa narɛ ka a foo din tumaa nɛ, ka a yiri din tumaa nɛ, ka a pàã din tumaa nɛ, a doamaa nɛ a ǹ miã kɔsɔ dɔ narɛ ka a bɛ́ a din narɛ lɔn. Bɛ á soɛ parsiini á la *wúlu màn tiɛ̃ laanka wúlu tɔrɔ kɔsɔn tumaa nɛ, ǹ bɛ́ ǹ mɛnɛn koe Lawa nɛ.»

Luku 10:27

Giĩ lɛ Yezu lɛ si mà a n kiɛ̃-n kɛnɛn: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ ka n taasiɛ din tumaa nɛ, n nə n miã kɔsɔ dɔ narɛ ka n bɛ́ n din narɛ lɔn.»

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 13:3

Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,

Timəə dí-pɛn 13:4

ka nyan nə n too kɔ bɛa Lawa a boo gii-dali hinlaa bɛa narɛɛ-wɔle kɛ lɛ lon wa. A giala, kaa Lawa, Dɛnaa Lawa lɛ nə n diɛ ka gɔ́ɔ̃ li á n giɛ a ganaa, bɛ̀ ka tá asɛ narɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 30:10

Sɛnɛ, yǎa ka kaa Lawa, Dɛnaa Lawa lɛ bɔlɔ sii. Gɔn waa ǹ boon laanka landa boon mɛnɛn bɛ́ kiɛ̃-n dí-pɛn sɛ́wɔ kɛ nɛ, yǎa ka koe bɛn lɛ, ka wusii ka die kaa Lawa, Dɛnaa Lawa ganaa, ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Timəə dí-pɛn 4:29

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Zaã1 5:3

A giala, bɛ̀ wɔ á Lawa a dí-pɛn lɛn lɛ sii, wɔ n Lawa narɛ ka bɛ nɛ. A dí-pɛn lɛn dɔn ba kaka wɔsɛn ganaa wa,