Timəə dí-pɛn 6:12 - LAWA A BOO SONBORE

¹² ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

LAWA A BOO SONBORE 2011

¹² ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 6:12 ပူးပေါင်းရင်းမြစ်များ

Kiin2 17:36

Dɛnaa Lawa mɛn lɛ bɛ́ á sii kakan zɛnaa á ka waa ka pàã nɛ á soo ka nɛ Ezipti gána nɛ, ka doamaa nɛ ka nyɛ́ɛ baa bɛ lɛ nɛ, ka kaa tán a din lɛ giulun, ka wúlu mànan kɔ a din lɛ la.

Kiin2 17:38

Ma lɛ kɔ kɔn la mɛn wɔ ka nɛ, ka yiri baran bɔ ka bɛ-n wa: Ka baran lawa kɔsɔn guguru kɔ wa.

Zɔbu 8:13

Min mɛnɛn yiri bɛ́ boe ka Lawa nɛ, bɛ lɛ miã n die bɛn yii. Min mɛn bɛ́ n piɛ̃ ka Lawa nɛ, a foo-doa á re kooro biɛ.

Loen 103:2

Man barka diɛ Dɛnaa Lawa nɛ, ka ma foo tumaa nɛ, ma yiri ná a boe a bǐɛ̃-zɛnaa kɛ goon ganaa wa.

Loen 59:11

Maa Lawa mɛn a minin narɛ bɛ́ gole, bɛ á re die ma li, á re toɛ ma maa zɔ́ɔn yɛ fɔ̃ gɔ́ɔ̃ nɛ.

Loen 78:7

Ǹ pɛ ǹ nɛ mà ǹ nə n foo doa Lawa ganaa, ǹ yiri nyan bɔ ka a nya ǹ dí dadaran kɛn nɛ wa, ǹ na a dí-pɛn dɔn tamaa.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Suusun 30:9

Taãn nɛ, bɛ̀ má pàãma baa á la yii ni, ma á boe la man piã n nɛ ma pɛ: «Die n ka Dɛnaa Lawa nɛ?» Bɛ̀ má doobaa baa á la yii ni, ma á boe la ma wurumu baa, ma maa Lawa tɔ ziziɛ̃.

Izayii 17:10

Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Zeremii 34:13

– Dɛnaa Lawa, Izirayeli a Lawa n kɛ pii: «Ma dɔ goã má lɛ-kɔ wɔ ka ka digolon ne, bɛ̀ ma bɛ́ má ǹ waa bɛ̀rɛbaa ǹ bǎã nɛ Ezipti gána nɛ má soo ǹ ne.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Minin nimi 15:39

Bɛa yɔrɔ lɛ la, wɔ ǹ dɔnkɛn mɛnɛn nə́ ke ka pasa ka-a, ka die ka bɛn wɔ. Bɛ̀ ka bɛa pasa lɛ yɛ, ka yiri tá re gisĩ masɛ a dí-pɛn tumaa nɛ, ka kɔ ǹ lɛ. Bɛ á die toɛ ka n ka a re tɔ we ka foo dùũ laanka ka yii dùũ kio, ka màn kɔsɔn guguru kɔ wa.

Timəə dí-pɛn 32:18

Lawa mɛn lɛ nə ǹ zɛnaa, á nə́ ǹ tamaɛ, maǹ nə́ n la bɔ bɛ lɛ-a. Lawa mɛn lɛ nə ǹ zɛnaa á ǹ kaa kanaa, ǹ yiri bɔ ka bɛ lɛ nɛ.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 8:10

Ka á re màn bii walan ka kã. Ka goã bɛ̀ ka barka da kaa Lawa, Dɛnaa Lawa lɛ nɛ, gána sonbore kɛa lɛa, á kɔ ka la.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Sii yɔrɔ-bɔlen 2:12

Ǹ nə́ Dɛnaa Lawa toa walan, ǹ digolon Lawa lɛ, asɛ mɛn bɛ́ á ǹ waa Ezipti gána nɛ á soo ǹ ne. Ǹ nə́ dìn guguru kɔ, tɔrɔn kɛn lɛn wɔn bii, tɔrɔn mɛnɛn lɛn nə goã ǹ lɛnpɛnɛ. Ǹ nə́ kaa tán bɛn yɔrɔ-a ǹ nə́ ǹ guguru kɔ, ǹ nə́ wɔ Dɛnaa Lawa lon.