Timəə dí-pɛn 6:10 - LAWA A BOO SONBORE

¹⁰ Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,

LAWA A BOO SONBORE 2011

¹⁰ Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,

Timəə dí-pɛn 6:10 ပူးပေါင်းရင်းမြစ်များ

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Nehemii 9:25

Ǹ nə́ kiwi dadara kungɔndɛnan kũ ǹ nə́ ǹ si, ka tán bǎã sonbore ne. Ǹ nə́ kionən si ǹ nə́ ǹ baa ǹ wɔ lɛa. Bɛa kionən lɛn man piɛ̃ nɛ ka gɔn màn tɔrɔ tumaa nɛ, ǹ nə́ tù foɛ̃n si tán ǹ nə́ ǹ baa ǹ wɔ lɛa, ka *rezɛ̃ dan nɛ, ka *olivie dan nɛ, ka da nɛ-kɔle gigiã nɛ. Ǹ nə́ màn bii, ǹ nə́ kã, ǹ nə́ kasã, ǹ nə́ goã kanaa a nɔnɔ̀ɔbaa lɛ li, n bǐɛ̃ gole lɛ barka nɛ.

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 19:1

Kaa Lawa, Dɛnaa Lawa á die tɔrɔn kɔsɔn papaɛ̃ a n bɔ ka nyɛɛnɛ, a ǹ gána kɔ ka la. Ka á re ǹ lui, ka giã ǹ kiwin laanka ǹ kionən ne.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Timəə dí-pɛn 6:18

Sii mɛn bɛ́ pepere, á n siĩni Dɛnaa Lawa yii li, ka bɛ zɛnaa. Bɛ á re toɛ, kaa wɔ bǐɛ̃ kɔ. Dɛnaa Lawa nə n liɛ mà asɛ á re gána sonbore mɛn koe ka la, ka boo la ka wɔ bɛ nɛ, ka si ka baa kaa wɔ lɛa.

Timəə dí-pɛn 6:23

A na á wɔ waa, á wɔ bɔ walan. Dɛnaa Lawa nə n lɛ kɔ wɔ digolon la ka gána mɛn nɛ, á woo wɔ kaa walan, á kɔ wɔ la.

Timəə dí-pɛn 8:12

Ka á re màn bii ka kã, ka á re kion sonboren doe ka giã ǹ nɛ,

Timəə dí-pɛn 9:1

Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Zozoe 24:13

Ka bɛ́ ka dí nya gána mɛn nɛ ka nɔmaa wa, ma din ni má bɛ kɔ ka la. Ka bɛ́ giã-n kiwin mɛnɛn nɛ, ka dinin bie ka ǹ dɔ wa, ma din ni má ǹ kɔ ka la. Ka bɛ́ *rezɛ̃ da laanka *olivie dan mɛnɛn nɛ bii, ka dinin bie ka ǹ zumu wa, masɛ din ni má ǹ kɔ ka la.»