Timəə dí-pɛn 5:33 - LAWA A BOO SONBORE

³³ Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

LAWA A BOO SONBORE 2011

³³ Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Timəə dí-pɛn 5:33 ပူးပေါင်းရင်းမြစ်များ

Kiin1 3:14

Bɛ̀ n tá koe masɛ dùũ lɛ, ń masɛ a landa boon laanka maa gɔn waa ǹ boon kɛn tamaɛ, ka n di Davida goã zɛnɛɛ lɔn, masɛ n die nyín sasa koe n la.»

Kiin2 17:37

A landa boon laanka sii yɔrɔ bɔ ǹ boon mɛnɛn kiɛ̃, ka dí-pɛn laanka gɔn waa ǹ boon kɛn nɛ á kɔ ka la, ka die ka bɛn lɛn tamaa baraabaraa. Ka baran lawa kɔsɔn guguru kɔ wa.

Loen 119:6

Bɛ lɛ n die toɛ, bɛ̀ ma á n yiri koɛ n dí-pɛn lɛn tumaa nɛ, sìi a re ma kuĩ wa.

Loen 37:11

Sɛnɛ, gána lɛ á die pàãwɛɛnaan wɔ biɛ. Ǹ tá re là nyantoro lɛpiɛ̃ yii.

Loen 37:22

Taãn nɛ, a barka da min mɛnɛn ganaa, gána lɛ á die bɛn wɔ biɛ. A barka bɔ min mɛnɛn nɛ, á re bɛn wɛɛ a ǹ bɔ a nɛ.

Loen 37:29

Min sonboren tá re gána lɛ a dɛnan biɛ. Ǹ tá re goɛ̃ a-n yǎa duduu.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 37:9

Lawa á re min baraan wɛɛ a ǹ bɔ gána kɛ nɛ, sɛnɛ, min mɛnɛn bɛ́ n foo doɛ Dɛnaa Lawa ganaa, gána lɛ á die bɛn wɔ biɛ.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Zeremii 42:6

Wɔ n bɛa nɔ̀n da Dɛnaa Lawa la lɛ sii we n din gɔn. A bɛ re boo woo boo diɛ wɔ nɛ, wɔ á re koe lɛ, ta á kɔɔ̃n wɔ ganaa ta a kɔɔ̃n wɔ ganaa wa. Bɛa biikoo li kəni, wɔa sii tumaa á re bǐɛ̃ koe. A giala wɔ á re Dɛnaa Lawa wɔa Lawa bɔlɔ sii.»

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Ezekieli 20:19

Ma din Dɛnaa Lawa n kaa Lawa lɛa. Ka tɔ wɔ a kɔnpɛ maa landa boon kɛn nɛ, ka maa sii yɔrɔ bɔ ǹ boon kɛn tamaa, ka kɔ ǹ lɛ.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Efɛɛzi minin 6:3

ń giɛ n tá nyin sasa yii, n yii-nyɛɛ dɔ yɛ tán la.»

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 11:9

Dɛnaa Lawa nə n liɛ mà asɛ á re gána mɛn lɛ koe ka digolon laanka ǹ nɛnyaanan la, ka boo la dɔn ka nyin sasa yɛ walan, bɔ̀nyaa laanka zoo nyɔɔ bɛ baa sii gana mɛn nɛ.

Timəə dí-pɛn 12:25

Ka baran sɔ̃ wa, bɛ á re toɛ kaa wɔ bǐɛ̃ kɔ, ka dinin laanka kaa nɛnyaanan mɛnɛn bɛ́ re goɛ̃ ka kio. A giala, bɛ̀ ká zɛnaa miɛ̃, ka n ká Dɛnaa Lawa foo sii zɛnaa.

Timəə dí-pɛn 12:28

Ma bɛ́ n gɔn wɛɛ ka-n ka boon mɛnɛn nɛ, ka bɛn lɛn si, ka ǹ tamaa. Bɛ̀ ká zɛnaa miɛ̃, ka n ká sii sonbore zɛnaa, sii mɛn bɛ́ pepere kaa Lawa, Dɛnaa Lawa yii li. Bɛ lɛ dɔ n die toɛ kaa wɔ bǐɛ̃ kɔ miɛ̃ duduu, ka dinin laanka kaa nɛnyaanan nɛ.

Timəə dí-pɛn 22:7

Ka doamaa-n ka bàan dan lɛ toa a woo, ka a nɛn lɛn goa ka wo ǹ ne. Bɛ lɛ n die toɛ kaa wɔ bǐɛ̃ kɔ, ka nyin sasa yɛ kanaa.

Timəə dí-pɛn 29:8

Bɛ lɛ nɛ, ka lɛ kɔ kɔn la ǹ boon lɛn tamaa, ka kɔ ǹ lɛ, màn mɛn bɛ́ toɛ, ka bɛ́ re n gɔn diɛ dí woo dí ganaa, a tumaa boo la a bǐɛ̃ kɔ.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.

Timəə dí-pɛn 5:16

N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Timəə dí-pɛn 8:1

Ma bɛ́ gɔn waa ǹ boon mɛnɛn tumaa pii ka-n pelo ke, ka n yiri koa li, ka kɔ ǹ lɛ. Bɛ á re toɛ ka yii goã koo, ka mɔnaa, ka boo la ka wɔ gána kɛ nɛ, Dɛnaa Lawa nə́ n liɛ mà asɛ á re koe ka digolon la.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.