Timəə dí-pɛn 5:32 - LAWA A BOO SONBORE

³² Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

LAWA A BOO SONBORE 2011

³² Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Timəə dí-pɛn 5:32 ပူးပေါင်းရင်းမြစ်များ

Kiin2 17:37

A landa boon laanka sii yɔrɔ bɔ ǹ boon mɛnɛn kiɛ̃, ka dí-pɛn laanka gɔn waa ǹ boon kɛn nɛ á kɔ ka la, ka die ka bɛn lɛn tamaa baraabaraa. Ka baran lawa kɔsɔn guguru kɔ wa.

Kiin2 21:8

Ka bɛ dɔ nɛ, mà asɛ ba re Izirayeli minin lɛn kiɛ binbirin bɔ ganaa, ǹ wɔlɔ n lui ni tán kɛ ganaa asɛ kɔ ǹ digolon la wa. Mà asɛ gɔn waa ǹ boon mɛnɛn tumaa pɛ ǹ nɛ, mà yǎa ǹ nə n yiri koɛ bɛn lɛn li, ǹ nə ǹ tamaa, ka dí-pɛn kɛn tumaa nɛ asɛ a dí-nyali Muizu kɔ ǹ la.

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 19:12

Man nə n gɔn wɛɛ ma dinmaa lɛ nɛ, Dɛnaa Lawa, masɛ mɛn bɛ́ n dí-nyali lɛa, n foo siin lɛn kɔmalɛ n là gole lɛa.

Loen 80:19

Bɛa yɔrɔ kɛ lɛ la, wɔ a re n wɔlɔ lui n din-a doo wa. N tá re toɛ wɔ yii goã koo, wɔ á re n din tɔ boe.

Suusun 3:2

Ka bɛ nɛ, n yii á re goɛ̃ koo, n tá re nyin sasa yii, ka là nyantoro ne.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Izayii 30:21

N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Ezekieli 20:19

Ma din Dɛnaa Lawa n kaa Lawa lɛa. Ka tɔ wɔ a kɔnpɛ maa landa boon kɛn nɛ, ka maa sii yɔrɔ bɔ ǹ boon kɛn tamaa, ka kɔ ǹ lɛ.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Timəə dí-pɛn 11:32

Sɛnɛ, ma bɛ́ landa boon laanka sii yɔrɔ bɔ ǹ boon mɛnɛn pii ka-n pelo, ka n yiri koa li, ka ǹ tamaa.

Timəə dí-pɛn 17:11

Ǹ bɛ́ re ka darɛɛ dí-pɛ mɛn ganaa, ǹ bɛ́ re sii yɔrɔ bɔ ǹ gɔn mɛn nyɛɛ ka nɛ, ka zɛnaa a kɔnpɛ ka bɛ nɛ. Ǹ bɛ́ re boo mɛn pii ka nɛ, ka kɔ bɛ lɛ, ka nyan kanaa ka wo gusin hinlaa gɔsɛ wa.

Timəə dí-pɛn 17:20

Bɛ n die toɛ, a ba re n din gole koe a tɔrɔ minin lɛn ganaa wa, a re gɔn waa ǹ boon kɛn dɔn lɛ tii, a kanaa a wo gusin hinlaa gɔsɛ wa. Bɛ̀ á zɛnaa miɛ̃, a din laanka a tɔrɔn tá re boe la ǹ giã Izirayeli minin lɛn mìi la, ǹ belebɔ nɛ.

Timəə dí-pɛn 24:8

Busu mɛn tumaa á ke ká gɔ̀nɔn ki busu babaraa kɛ bɛ́ lɔn, ka yiri bɔ bɛ li, màn mɛn bɛ́ toɛ, Levii tɔrɔ wúlu-bɔlen kɛn nə ka daraa màn mɛn tumaa ganaa bɛ wɔ paǹ li, ka bɛ tamaa sɔnbɔraa nɛ, ka kɔ lɛ. Ka n yiri kɔ li ka zɛnaa a kɔnpɛ ka maa gɔn waa ǹ boon kɛn nɛ má pɛ ka nɛ.

Timəə dí-pɛn 28:14

Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.

Timəə dí-pɛn 29:8

Bɛ lɛ nɛ, ka lɛ kɔ kɔn la ǹ boon lɛn tamaa, ka kɔ ǹ lɛ, màn mɛn bɛ́ toɛ, ka bɛ́ re n gɔn diɛ dí woo dí ganaa, a tumaa boo la a bǐɛ̃ kɔ.

Timəə dí-pɛn 6:17

Kaa Lawa, Dɛnaa Lawa gɔn waa ǹ boon mɛnɛn pɛ ka nɛ, ka doroo ǹ boon laanka landa boon ne, ka die ka bɛn tamaa sɔnbɔraanɛ.

Timəə dí-pɛn 6:25

A gɔn waa ǹ boon mɛnɛn kɔ wɔsɛn la, bɛ̀ wɔ tá n yiri koɛ li, wɔ á bɛn tumaa tamaɛ, wɔa Lawa, Dɛnaa Lawa yɔrɔ-a, bɛ lɛ n nyɛɛ, mà wɔ tá a bɔlɔ sii.»

Timəə dí-pɛn 6:3

Izirayeli minin lɛn, ka goã bɛ̀ ka n too kɔ bɛn lɛn li, ka n yiri koa ǹ li, ka kɔ ǹ lɛ. Bɛ̀ ká zɛnaa miɛ̃, kaa wɔ á re bǐɛ̃ koe. Ka á re mɔnɛɛ gána lɛ nɛ taãn-taãnɛ, bɔ̀nyaa laanka zoo nyɔɔ bɛ́ baa-sìi gána mɛn nɛ, ka ka digolon Lawa, Dɛnaa Lawa bɛ́ á n lɛ kɔ ka la lɔn.

Timəə dí-pɛn 8:1

Ma bɛ́ gɔn waa ǹ boon mɛnɛn tumaa pii ka-n pelo ke, ka n yiri koa li, ka kɔ ǹ lɛ. Bɛ á re toɛ ka yii goã koo, ka mɔnaa, ka boo la ka wɔ gána kɛ nɛ, Dɛnaa Lawa nə́ n liɛ mà asɛ á re koe ka digolon la.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.