Timəə dí-pɛn 5:31 - LAWA A BOO SONBORE

³¹ Sɛnɛ, nsɛ golee kànaa, ma li. Ma á re gɔn waa ǹ boon kɛn tumaa pii n ni, landa boon kɛn nɛ, ka sii yɔrɔ bɔ ǹ boon kɛn nɛ. Ń die n nə ǹ daraa bɛn lɛn ganaa, ǹ kɔ ǹ lɛ gána kɛ lɛ nɛ, má n koe ǹ la, ǹ wɔ lɛa.»

LAWA A BOO SONBORE 2011

³¹ Sɛnɛ, nsɛ golee kànaa, ma li. Ma á re gɔn waa ǹ boon kɛn tumaa pii n ni, landa boon kɛn nɛ, ka sii yɔrɔ bɔ ǹ boon kɛn nɛ. Ń die n nə ǹ daraa bɛn lɛn ganaa, ǹ kɔ ǹ lɛ gána kɛ lɛ nɛ, má n koe ǹ la, ǹ wɔ lɛa.»

Timəə dí-pɛn 5:31 ပူးပေါင်းရင်းမြစ်များ

Kiin2 17:37

A landa boon laanka sii yɔrɔ bɔ ǹ boon mɛnɛn kiɛ̃, ka dí-pɛn laanka gɔn waa ǹ boon kɛn nɛ á kɔ ka la, ka die ka bɛn lɛn tamaa baraabaraa. Ka baran lawa kɔsɔn guguru kɔ wa.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 24:18

Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.

Ezekieli 20:11

Má maa landa boon kɛn kɔ ǹ la, má ǹ daraa maa sii yɔrɔ bɔ ǹ boon kɛn ganaa. Bɛ̀ minbuiin nɛ mɛn tá koe bɛn lɛ, ǹ dɛnaa yii á re goɛ̃ koo.

Galaasi minin 3:19

Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 12:1

Landa boon laanka sii yɔrɔ bɔ ǹ boon lɛn man ka kɛn nɛ. Ka digolon Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka die ka n yiri koa li, ka bɛn tamaa walan, kaa tá kanaa lɛawaan tumaa gɔ́ɔ̃ nɛ.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 5:30

Wo pɛ ǹ nɛ mà ǹ wusoo, ǹ wo ǹ mɔnaa kionən ne.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.