Timəə dí-pɛn 5:16 - LAWA A BOO SONBORE

¹⁶ N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

LAWA A BOO SONBORE 2011

¹⁶ N díi laanka n náa guguru kɔ, ka masɛ Dɛnaa Lawa, kaa Lawa lɛ pɛ má laa ka ganaa lɔn, màn mɛn bɛ́ toɛ n nyin sasa yɛ, n yii-nyɛɛ dɔ yɛ gána kɛ nɛ, kaa Lawa, Dɛnaa Lawa n koe ka la.

Timəə dí-pɛn 5:16 ပူးပေါင်းရင်းမြစ်များ

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Matiə 19:19

n díi laanka n náa guguru kɔ, n nə n miã kɔsɔ narɛ ka n bɛ́ n din narɛ lɔn.»

Marki 10:19

Táa n tá Lawa a dí-pɛn lɛn doɛ̃: «N baran gɛ̀ dɛ wa, n baran naarɛbaa wa, n baran wurumubaa wa, n baran soɛ da min la wa, n baran n miãn bebele n nə ǹ koã wa, n nə n díi laanka n náa guguru kɔ.»

Marki 7:10

Muizu na á pɛ: «N díi laanka n náa guguru kɔ, bɛ̀ min mɛn boo baraa da ǹ di hinlaa ǹ dan ganaa, ǹ doamaa nɛ n bɛa dɛnaa dɛ a gã.»

Luku 18:20

Táa n tá dí-pɛn lɛn doɛ̃: N baran naarɛbaa zɛnaa wa, n baran gɛ̀ dɛ wa, n baran wurumu baa wa, n baran soɛ da min la wa, n díi laanka n náa guguru kɔ.»

Timəə dí-pɛn 11:9

Dɛnaa Lawa nə n liɛ mà asɛ á re gána mɛn lɛ koe ka digolon laanka ǹ nɛnyaanan la, ka boo la dɔn ka nyin sasa yɛ walan, bɔ̀nyaa laanka zoo nyɔɔ bɛ baa sii gana mɛn nɛ.

Timəə dí-pɛn 27:16

Bɛ̀ min mɛn nə́ ǹ di laanka ǹ dan puusə kɔ, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Timəə dí-pɛn 5:33

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Kolɔɔsi minin 3:20

Nɛnyaanan lɛn, ka kaa yɛ wolen bɔlɔ si ka sii din tumaa nɛ, Dɛnaa n giɛ bɛ lɛ li ka lon.