Timəə dí-pɛn 5:15 - LAWA A BOO SONBORE

¹⁵ Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

LAWA A BOO SONBORE 2011

¹⁵ Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 5:15 ပူးပေါင်းရင်းမြစ်များ

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 19:16

A bɛ́ n lɔloɛ, lon a dia dí-a wolen lɛn nə́ kũ a gɔn-a, ǹ ná a lɔ dɔ laanka a nɛlɔ min paa lɛ kũ. Ǹ nə́ ǹ baã ǹ nə́ soo ǹ ne, ǹ nə́ ǹ kaa kiwi kio, a giala, Lɔti makara na á goã boe Dɛnaa ganaa.

Loen 116:16

A bɛ́ miɛ̃, Dɛnaa Lawa, ma bɛ́ ke n din a dí-nyali lɛa, dí nyɛɛ n nɛ ka ma dan wɔ bɛ́ lɔn, n din nə ń gɛ̀ gɔnɔn fore ǹ nə́ ǹ bɔ ma ganaa.

Loen 136:12

A din pàã nɛ, a din we ne, a kɔn-narɛɛ a nyɛɛ duduu wa.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:16

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 20:11

A giala, lɛawaa sɔrɔ gɔ́ɔ̃ nɛ, Dɛnaa lon laanka tán zɛnaa, ka yìsi mu ni, ka ǹ gɔ́ɔ̃gɔ́ɔ̃ ǹ mànan tumaa nɛ. Sɛnɛ, a na á n susu lɛawaa sɔbaabaa ǹ wɔ pinaa. Bɛ lɛ taman yii ni, Dɛnaa barka wɔ bɛa susu ǹ pii kɛ lɛ nɛ, á baa a din wɔ lɛa.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 16:12

Ka dɔn nə n yiri koa a nɛ, mà ka n ká goã bɛ̀rɛn lɛa Ezipti gána nɛ. Ka landa boon kɛn tamaa, ka kɔ ǹ lɛ.

Timəə dí-pɛn 26:8

Dɛnaa Lawa na á tɔ́n sii kakan zɛnaa, kaãbaa ǹ sii dadaran lɛa, á nyɛ́ɛ gole da ǹ nɛ, á wɔ waa ka pàã nɛ, á wɔ bɔ Ezipti gána nɛ.

Timəə dí-pɛn 5:6

«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.

Timəə dí-pɛn 9:12

Dɛnaa Lawa tɔ́n pɛ ma nɛ: «N nanaa n gisĩ, n nə n bɔ kànaa. A giala, n tɔrɔn lɛn, má ǹ waa má ǹ bɔ Ezipti gána nɛ, ǹ nə́ n dinin ziziɛ̃. Masɛ zii mɛn nyaa ǹ nɛ mà ǹ kɔ lɛ, ǹ nə́ kanaa, ǹ nə́ n bɔ bɛ la gɔrɔ, ǹ nə́ sana yo, ǹ nə́ màn nyín zɛnaa nɛ.»

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.