Timəə dí-pɛn 5:14 - LAWA A BOO SONBORE

¹⁴ Sɛnɛ, a lɛawaa sɔbaabaa ǹ wɔ ke, bɛ n masɛ Dɛnaa Lawa, kaa Lawa lɛ a susu ǹ pii lɛa. Ka baran dí kɔn nya bɛa pinaa kɛ lɛ-n wa: ka dinin ni, kaa nɛgiĩn ni, kaa nɛlɔn nɛ, kaa bɛ̀rɛgiĩn ni, kaa bɛ̀rɛlɔn nɛ. Kaa diin ni, kaa dundunun ni, kaa tɔɔn tumaa, ǹ kɔn baran dí nya wa, haalɛ gùlin mɛnɛn dɔn bɛ́ giã-n kaa kiwin ni. Ka zɛnaa miɛ̃ màn mɛn bɛ́ toɛ, kaa bɛ̀rɛlɔn laanka kaa bɛ̀rɛgiĩn nə n susu ka ka dɔn wɔ bɛ́ lɔn.

LAWA A BOO SONBORE 2011

¹⁴ Sɛnɛ, a lɛawaa sɔbaabaa ǹ wɔ ke, bɛ n masɛ Dɛnaa Lawa, kaa Lawa lɛ a susu ǹ pii lɛa. Ka baran dí kɔn nya bɛa pinaa kɛ lɛ-n wa: ka dinin ni, kaa nɛgiĩn ni, kaa nɛlɔn nɛ, kaa bɛ̀rɛgiĩn ni, kaa bɛ̀rɛlɔn nɛ. Kaa diin ni, kaa dundunun ni, kaa tɔɔn tumaa, ǹ kɔn baran dí nya wa, haalɛ gùlin mɛnɛn dɔn bɛ́ giã-n kaa kiwin ni. Ka zɛnaa miɛ̃ màn mɛn bɛ́ toɛ, kaa bɛ̀rɛlɔn laanka kaa bɛ̀rɛgiĩn nə n susu ka ka dɔn wɔ bɛ́ lɔn.

Timəə dí-pɛn 5:14 ပူးပေါင်းရင်းမြစ်များ

Siin Giala 2:2

Lawa bɛ́ a ná a dí nya á nya, a lɛawaa sɔbaabaa ǹ wɔ pinaa, á n susu.

Nehemii 13:15

Bɛa biikoo kɛ lɛ li, ma yii minin yɛ Zudaa gána nɛ, rezɛ̃ mu boe *susu ǹ pii pinaa, gialakunun nə́ die ka belee gɔn sara yiin ni, ǹ nə́ ǹ kiɛ dundunun la, ka duvɛ̃ nɛ, ka rezɛ̃ nɛ, ka gɔ́rɔ nɛ, ka guĩ tɔrɔ tumaa nɛ, ń giɛ ǹ tá die ǹ ne Zeruzalɛmu susu ǹ pii pinaa. Ǹ goã ǹ pii mànan lɛn siɛ̃ ǹ mɛn pinaa, má goã má ǹ zɛ̀rɛ baa.

Nehemii 13:16

Tiiri kiwi minin mɛnɛn nə goã giã-n Zeruzalɛmu, bɛn nə́ goã die ka zɔ̀ nɛ, ka pii màn tɔrɔ tumaa nɛ. Maǹ nə́ goã ǹ siɛ̃ Zudaa tɔrɔn la, ǹ nə́ ǹ siɛ̃ Zeruzalɛmu kiwi gɔ́ɔ̃ nɛ, susu ǹ pii pinaa.

Nehemii 13:21

Má n gɔn waa ǹ nɛ, má pɛ ǹ nɛ, máa wàa na á baa ǹ tá lɛ̀ wɛɛ tán kungɔn lɛ kio? Máa bɛ̀ ǹ nə́ wusoo ǹ nə́ ti kɛ ganaa, ma nə ǹ kuĩ! A saa bɛa biikoo kɛ lɛ ganaa, ǹ da susu ǹ pii pinaa doo wa.

Nehemii 5:5

A da yaa, wɔ dɔɔ̃nɔn lɛn gɔ̀nɔn siĩ bɛ́ lɔn, wɔsɛn dɔn wɔ lɛ n miɛ̃, wɔa nɛgiĩn laanka n nɛgiĩn man goon, sɛnɛ á ke wɔsɛn doamaa nɛ wɔa nɛgiĩn laanka ǹ nɛlɔn kaa bɛ̀rɛbaa nɛ. Wɔa nɛlɔn lɛn gigiã din tá a lɛa gɔrɔ. Wɔa boe sii kɔn la wɔ á zɛnɛɛ wa, wɔa wurun laanka wɔa rezɛ̃ dan man min kɔsɔn gɔn.»

Bɔ bɛ̀rɛbaa nɛ 23:12

«Lɛawaa sɔrɔ dɔ gɔ́ɔ̃ nɛ, dí mɛn bɛ́ ka li, ka bɛ nya. Sɛnɛ, lɛawaa sɔbaabaa ǹ wɔ kɛ li, ka n susu. Kaa dii laanka kaa dundun dɔ á re susui yii. Kaa bɛ̀rɛn laanka kaa gùlin dɔn pàã á re wusii a kaa kɔn li.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Marki 2:27

Yezu tɔ́n pɛ Fariziɛ̃n lɛn manɛ: «Lawa na á susu ǹ pii lɛ koa minbuiin nɛ a laadoo bǐɛ̃ kɔ taman yii, a bie á minbuiin nɛ zɛnaa susu ǹ pii taman yii wa.

Luku 23:56

Bɛ kio ǹ nə́ wusoo ǹ nə́ daa piɛ, ǹ nə́ da yon gìĩ kɔɔ̃n laanka nyɔɔ gìĩ kɔɔ̃n zɛnaa. Susu ǹ pii pinaa ke, ǹ nə́ bɛ koa á kɔnpɛ ka dí-pɛ lɛ nɛ.

Timəə dí-pɛn 5:13

Ka dí nya lɛawaa sɔrɔ gɔ́ɔ̃ nɛ, ka kaa sii tumaa zɛnaa bɛ lɛ gɔ́ɔ̃ nɛ.

Ebrəə 4:4

A tá kiɛ̃ nɛ taãn-taãnɛ, kanaa a diɛ lɛawaa sɔbaabaa ǹ wɔ lɛ a paǹ li: «Lɛawaa sɔbaabaa ǹ wɔ pinaa, Lawa nə́ n susu a dí lɛ tumaa a nya kio.»