Timəə dí-pɛn 5:1 - LAWA A BOO SONBORE

¹ Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

LAWA A BOO SONBORE 2011

¹ Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 5:1 ပူးပေါင်းရင်းမြစ်များ

Loen 78:7

Ǹ pɛ ǹ nɛ mà ǹ nə n foo doa Lawa ganaa, ǹ yiri nyan bɔ ka a nya ǹ dí dadaran kɛn nɛ wa, ǹ na a dí-pɛn dɔn tamaa.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 18:20

n ná a dí-pɛn laanka a daraan nyɛɛ minin manɛ. Ǹ doamaa bɛ́ nɛ, ǹ zii laanka tɔ wɔ ǹ gɔn mɛn saa, n nə n bɛn nyɛɛ ǹ nɛ, ǹ dɔ̃.

Matiə 23:3

Bɛ lɛ taman yii, ǹ bɛ́ boo mɛn tumaa pii ka nɛ, ka ǹ bɔlɔ si ka zɛnaa miɛ̃. Sɛnɛ, nyan ka toa ka kɔ ǹ zɛnaa ǹ siin lɛ wa. A giala, ǹ bɛ́ màn mɛn pii, ǹ dinin ba koe bɛ lɛ wa.

Timəə dí-pɛn 1:1

Muizu a boon man ka kɛn nɛ, á ǹ pɛ Izirayeli minin tumaa nɛ. Bɛa biikoo li, bɛ̀ maǹ Zurdɛ̃ tà kio don, nyankɔrɔ lɛ kɛ nɛ Suufu kiwi yɔrɔ-a, Paran laanka Tofɛli kiwi biin ni, Laban kiwi ni, Aserɔti kiwi laanka Di-Zahabu kiwi ni, bɛn nə́ ǹ paǹ kɔsɔ-a.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 12:1

Landa boon laanka sii yɔrɔ bɔ ǹ boon lɛn man ka kɛn nɛ. Ka digolon Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka die ka n yiri koa li, ka bɛn tamaa walan, kaa tá kanaa lɛawaan tumaa gɔ́ɔ̃ nɛ.

Timəə dí-pɛn 17:19

Bɛa sɛ́wɔ lɛ n die goɛ̃ a li, bɛ̀ a pɛ baraabaraa, a yiikoonaabaa tumaa gɔ́ɔ̃ nɛ. A doamaa nɛ, a bɛa dí-pɛ lɛ a boon tumaa laanka a landa boon tumaa tamaa, màn mɛn bɛ́ toɛ, a n daraa nyɛ́ɛ baa a Lawa, Dɛnaa Lawa-n ganaa.

Timəə dí-pɛn 28:15

Sɛnɛ, bɛ̀ ka n too kɔ kaa Lawa, Dɛnaa Lawa lɛ lon wa, ma bɛ́ a gɔn waa ǹ boon laanka a landa boon mɛnɛn tumaa pii ka-n pelo, bɛ̀ ka n yiri koa bɛn li ká kɔ ǹ lɛ wa, bɔ̀n da ǹ siin mɛnɛn bɛ́ re ka yii, bɛn man ka kɛn nɛ:

Timəə dí-pɛn 29:10

kaa lɔn laanka kaa nɛnyaanan nɛ ka gùlin mɛnɛn dɔn dinin nə́ ke giã-n ka bii kaa bǎã lɛ nɛ, ǹ nə́ gɔn kuri koe ka la, ǹ nə́ mu sii koe ka la.

Timəə dí-pɛn 29:2

A nɔmaa dadaran mɛnɛn kaa ǹ mìi ni, a kaãbaa ǹ sii dadaran mɛnɛn zɛnaa, ka yii bɛ́ á yɛ.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:49

Diə bǎã kɛ tumaa, Zurdɛ̃ tà kio lɛ̀giala-n, a wo yìsi mu kɔsɛ kɔsɛ kɛ yǎa Pisigaa kele gòã lɛ la, bɛ tumaa tá a nɛ.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 5:2

Wɔa Lawa, Dɛnaa Lawa lɛ lɛ kɔ kɔn la wɔ wɔ nɛ, Orɛbu kele la.

Timəə dí-pɛn 6:17

Kaa Lawa, Dɛnaa Lawa gɔn waa ǹ boon mɛnɛn pɛ ka nɛ, ka doroo ǹ boon laanka landa boon ne, ka die ka bɛn tamaa sɔnbɔraanɛ.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.