Timəə dí-pɛn 4:34 - LAWA A BOO SONBORE

³⁴ Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

LAWA A BOO SONBORE 2011

³⁴ Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 4:34 ပူးပေါင်းရင်းမြစ်များ

Loen 136:12

A din pàã nɛ, a din we ne, a kɔn-narɛɛ a nyɛɛ duduu wa.

Loen 24:8

Die n bɛa kii gole kɛ lɛ lɛa? Dɛnaa Lawa gɔ̀lɔ̀ kaka lɛ nɛ, Dɛnaa Lawa mɛn bɛ́ zia-baalin gɔ̀lɔ̀ lɛa.

Loen 78:12

Lɛlɛ, Lawa na á kaãbaa ǹ siin kɛn zɛnaa wɔ digolon yii ni, Ezipti gána nɛ, Soan bǎã kɛ li.

Bɔ bɛ̀rɛbaa nɛ 1:9

Bɛa kii lɛ pɛ a gána minin manɛ: «Á ke, Izirayeli nɛnyaanan lɛn nə́ mɔnaa á la yii ni, ǹ pàã n giɛ mà a la wɔa wɔ nɛ.

Bɔ bɛ̀rɛbaa nɛ 10:21

Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»

Bɔ bɛ̀rɛbaa nɛ 10:7

Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 14:30

Dɛnaa din na á Izirayeli nɛnyaanan kirisibaa Ezipti minin ganaa bɛa pinaa kɛ lɛ nɛ. Izirayeli nɛnyaanan yii Ezipti minin geren yɛ tà lɛ lɛ-a.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Bɔ bɛ̀rɛbaa nɛ 3:10

Kanna, woo, man die n diɛ *Faarahɔn li, n soo ka maa zaman lɛ nɛ, Izirayeli nɛnyaanan lɛn, n nə ǹ bɔ Ezipti gána nɛ.»

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Zeremii 21:5

Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 32:21

N nə́ n zaman Izirayeli minin waa n soo ǹ ne Ezipti gána nɛ ń sii kakan zɛnaa, kaãbaa sii dadaran lɛa, ń nyɛ́ɛ gole da ǹ nɛ.

Minin nimi 20:16

Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 10:21

Ka a din lɛ tɔ saa lon, a dinsɔɔ̃ lɛ n kaa Lawa lɛa. A din na á nyɛ́ɛ da ǹ sii dadaran kɛn zɛnaa kaa lɛa, ka yii nə ǹ mɛnɛn lɛn yɛ.

Timəə dí-pɛn 11:2

Ma bɛ́ re màn mɛn pii sisia, ma bie kaa nɛnyaanan kɛn ganaa wa. A giala, kaa Lawa, Dɛnaa Lawa lɛ minin doroo ǹ siin mɛnɛn zɛnaa, ǹ bɛn yɛ wa, ǹ ba ǹ doɛ̃ wa: Kaa Lawa, Dɛnaa Lawa lɛ a golebaa kɛ nɛ, a boo sii la nɛ,

Timəə dí-pɛn 26:8

Dɛnaa Lawa na á tɔ́n sii kakan zɛnaa, kaãbaa ǹ sii dadaran lɛa, á nyɛ́ɛ gole da ǹ nɛ, á wɔ waa ka pàã nɛ, á wɔ bɔ Ezipti gána nɛ.

Timəə dí-pɛn 29:3

Sɛnɛ, a da kaa pelo lɛ, a laanɛ Dɛnaa Lawa yiri kɔ ka la, ka a tɔn sii giala miɛ wa, a laanɛ á yii nànan kɔ ka la, ǹ ba wɔlɔ yii wa, a laanɛ á toon kɔ ka la, ǹ ba boo miɛ wa.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Timəə dí-pɛn 34:12

A din Muizu lɛ na á goã á dí nya ka Lawa pàã tumaa nɛ, á bɛa nyɛ́ɛ gole kɛ lɛ da nɛ.

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 6:21

ka pɛ kaa nɛnyaanan lɛn manɛ kɛnɛn: «Wɔ n wɔ́ goã Eziptin kii a bɛ̀rɛn lɛa, Ezipti gána nɛ. Sɛnɛ, Dɛnaa Lawa na á wɔ waa ka pàã nɛ, á wɔ bɔ Ezipti gána nɛ.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»

Zozoe 24:7

Ka digolon lɛn nə́ n lɛ dɛ masɛ Dɛnaa Lawa ganaa, ma tɔ́n labara tì da ǹ laanka Ezipti minin lɛn bii, má kɔ̀ mu nyɛnaa má kɔ Ezipti minin lɛ. Ma sii mɛn zɛnaa Ezipti minin manɛ, ka yii bɛ́ á yɛ. Bɛ kio, ka dɔn nə́ giã don, ka belebɔ walan.

Piɛrɛ1 5:6

Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.