Timəə dí-pɛn 4:32 - LAWA A BOO SONBORE

³² Siin mɛnɛn nə n zɛnaa lɛlɛ, bɛ̀ ka bɛ́ ka tɔn yɛ bɔrɔ wa, Lawa bɛ́ minbuiin nɛ zɛnɛɛ tán la ǹ mɛn pinaa, ka n taasɛ ka bɛ nɛ. Ka nɔ̀n da kanaa paǹ tumaa nɛ, bɛ̀ bɛ miã sii gole kɛ bin tɔ́n nə n zɛnaa, bɛ̀ min bin nə́ ǹ miã ma.

LAWA A BOO SONBORE 2011

³² Siin mɛnɛn nə n zɛnaa lɛlɛ, bɛ̀ ka bɛ́ ka tɔn yɛ bɔrɔ wa, Lawa bɛ́ minbuiin nɛ zɛnɛɛ tán la ǹ mɛn pinaa, ka n taasɛ ka bɛ nɛ. Ka nɔ̀n da kanaa paǹ tumaa nɛ, bɛ̀ bɛ miã sii gole kɛ bin tɔ́n nə n zɛnaa, bɛ̀ min bin nə́ ǹ miã ma.

Timəə dí-pɛn 4:32 ပူးပေါင်းရင်းမြစ်များ

Siin Giala 1:27

Lawa na á minbuiin nɛ zɛnaa a din a kɔnboe lɛa, á zɛnaa ka Lawa din bɛ́ lɔn. Á ǹ zɛnaa, giĩ laanka lɔ nɛ.

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

Zɔbu 8:8

Nɔǹ da lɛlɛ minin kɛn la. Ǹ digolon nə sii mɛn dɔ̃, n taasɛ bɛ ganaa.

Loen 44:1

Koore a minin doree kɔ ǹ loe. A n boe loe-saalin goledɛnaa a sɛ́wɔ nɛ.

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Zowɛli 1:2

Min golen lɛn, ka n too kɔ kɛ li. Gána minin lɛn, ka tumaa nə n too da! Ka bɛ́ ka tɔn sii mɛn yɛ kaa tá kanaa gɔ́ɔ̃-n wa, ka digolon dɔn dinin bɛ́ ǹ sii mɛn yɛ ǹ tá kanaa gɔ́ɔ̃-n wa, bɛ lɛ n ke die.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Marki 13:27

Á die lon a dia dí-a wolen diɛ kanaa gùrù sii din tumaa ganaa, ǹ Lawa a yii gɔgɔɔ̃ wolen lɛn lɛ sɔkɔn-a, a saa kanaa lɛkoro goon ganaa a wo a lɛkoro kɔsɔ yaa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 30:4

Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Timəə dí-pɛn 32:7

Ka n yiri kɔ ka lɛlɛ siin lɛn nɛ, ka n taasɛ ka lɛ̀n kɛn nɛ ǹ nə́ kiɛ̃. Ka nɔ̀n da kaa díin la, ǹ tá re a yɔrɔ pii ka nɛ, ka nɔ̀n da kaa min golen la, ǹ tá re pii ka nɛ.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Timəə dí-pɛn 4:7

Sonbore ne, tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a lawa nə n nyii ǹ la, ka wɔa Lawa, Dɛnaa Lawa á ke n nyii wɔ la lɔn, bɛ̀ wɔ́ a bii wɔ sii mɛn ganaa.