Timəə dí-pɛn 4:29 - LAWA A BOO SONBORE

²⁹ Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

LAWA A BOO SONBORE 2011

²⁹ Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

Timəə dí-pɛn 4:29 ပူးပေါင်းရင်းမြစ်များ

Kiin2 10:31

Sɛnɛ, Zewu nə n din tamaa á Izirayeli a Lawa, Dɛnaa Lawa lɛ a dí-pɛ zii tɔ wɔ ka a foo din tumaa-n wa. Zeroboamu goã á Izirayeli minin kaa sii baraan mɛnɛn zɛnaa ganaa, Zewu nə n bɔ bɛn wɔlɔ li wa.

Kiin2 23:3

Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

KZS2 15:12

Ǹ tumaa lɛ kɔ kɔn la wɔ ka Dɛnaa Lawa nɛ, mà ǹsɛn tá re giɛ ǹ digolon Lawa lɛ li ka ǹ foo tumaa nɛ, ka ǹ yiri tumaa nɛ.

KZS2 15:15

Zudaa min tumaa foo kɔɔ̃n kɔ ka bɛa lɛ-kɔ wɔ kɛ nɛ, a giala, maǹ nə́ zɛnaa ka ǹ foo tumaa nɛ, ǹ nə́ ga Dɛnaa Lawa li ka ǹ yiri tumaa nɛ. Dɛnaa Lawa toa ǹ nə́ yɛ, á là nyantoro kɔ ǹ la paǹ tumaa li.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 15:4

Sɛnɛ, ǹ koe lɛ gɔ́ɔ̃ nɛ, ǹ nə́ wusoo ǹ nə́ daa Dɛnaa Lawa Izirayeli a Lawa li, ǹ nə́ ga li, á toa ǹ nə́ yɛ.

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Nehemii 9:27

Ń tɔ́n nə ǹ wɔ ǹ zɔ́ɔn gɔn, bɛn nə́ bɔ ǹ yii ni. Ǹ nɔmaa biikoo li, ǹ nə́ goã n lɛ dii n ganaa, ń goã n toɛ lon ǹ lɛ miɛ. N makara-doɛ̃ gole lɛ gɔ́ɔ̃ nɛ, ń nyɛɛnaan-bɔlen kɔ ǹ la, bɛn nə́ ǹ si ǹ zɔ́ɔn lɛn la ǹ nə́ ǹ kaa.

Loen 119:10

Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Loen 119:145

Dɛnaa Lawa, man lɛ diɛ n la ka ma foo tumaa nɛ. N nyəə ma la, ma á re koe n foo sii boon kɛn lɛ.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 119:58

Man giɛ li ka ma foo tumaa nɛ, máa ma n foo kɔɔ̃n kɔ. Bǐɛ̃ kɔ ma ganaa, a kɔnpɛ ka n lɛ-kɔ kɛ nɛ.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Amɔɔsi 5:4

Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 26:16

Pelo, kaa Lawa, Dɛnaa Lawa nə n gɔn wɛɛ ka nɛ, mà ka kɔ asɛ a landa boon laanka asɛ a sii yɔrɔ bɔ ǹ boon kɛn lɛ. Mà ka ǹ tamaa ka kɔ ǹ lɛ, ka ka foo tumaa nɛ, ka kaa taasiɛ tumaa nɛ.

Timəə dí-pɛn 30:10

Sɛnɛ, yǎa ka kaa Lawa, Dɛnaa Lawa lɛ bɔlɔ sii. Gɔn waa ǹ boon laanka landa boon mɛnɛn bɛ́ kiɛ̃-n dí-pɛn sɛ́wɔ kɛ nɛ, yǎa ka koe bɛn lɛ, ka wusii ka die kaa Lawa, Dɛnaa Lawa ganaa, ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»