Timəə dí-pɛn 4:27 - LAWA A BOO SONBORE

²⁷ Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

LAWA A BOO SONBORE 2011

²⁷ Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Timəə dí-pɛn 4:27 ပူးပေါင်းရင်းမြစ်များ

Siin Giala 11:4

Ǹ nə́ tɔ́n pɛ kɔn nɛ doo: «Ka daa wɔ kiwi koa, wɔ sanabolo dɔ a nɛ, yǎa a mìi la doe Lawa ganaa! Ka daa wɔ n dinin tɔ bɔ, màn mɛn bɛ́ toɛ, wɔ baran sasawaa tán la bǎã tumaa nɛ, wɔ n bɔ kɔn ganaa wa.»

Siin Giala 34:30

Bɛ gɔ́ɔ̃ nɛ, Zakɔba pɛ Simiɔn laanka Levii ni: «Ka bɔ̀n da masɛ ganaa, ka n ka ma tìĩ bɔ Kanaan gána lɛ laanka Perɛzi gána lɛ a minin nyin ni. Wɔ bɛ́ wɔ ba tɛ wa, ǹ tá re piɛ̃ ma ganaa, ǹ ma dɛ. Ǹ tá re ma laanka maa kion minin bɔ̀n biɛ.»

Nehemii 1:3

Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Loen 106:27

Á n liɛ dɔn, mà asɛ n die ǹ nɛnyaanan sasawɛɛ bǎã tumaa-n, gánan gɔ́ɔ̃ nɛ, a toa ǹ gã tɔrɔ kɔsɔn bii.

Loen 44:11

N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Loen 44:12

N din nə́ ń wɔ kɔ, ka tɔɔn bɛ́ lɔn, ǹ nə́ woe ǹ dii. Ń wɔ loo, ń wɔ pɛsɛ̃ bǎã tumaa nɛ, tɔrɔn bii.

Izayii 17:6

Màn bún dinsɔɔ̃ n die goɛ̃. Gána lɛ n die n biɛ ka *olivie da bɛ́ lɔn, a nɛ sɔlɛɛ kio, nɛ paa hinlaa sɔɔ n die goɛ̃ a lɛwɔn ganaa lon. A gùrù mɛn bɛ́ á nɛ kɔ á la yii ni, bɛa re liɛ nɛ sii hinlaa sooro-n wa. Dɛnaa Lawa, Izirayeli a Lawa a da ǹ boo ne.

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Ezekieli 11:16

Bɛ lɛ taman yii, Dɛnaa Lawa mà ma kɛ pɛ ma nyaa goa wolen lɛn manɛ: Má woo ka nɛ tɔrɔ kɔsɔn bii sɔsɔɔ, má ka pɛsɛ̃ gána kɔsɔn nɛ, a laan bɛ yii ni, ma á kun ka nɛ walan, ka maa kion kɛ n kun ka ka nɛ.

Ezekieli 12:15

Bɛ̀ masɛ nə́ n sasawaa má ǹ kaa tɔrɔ kɔsɔn bii ǹ mɛn waáraa, bɛ̀ má ǹ pɛsɛ̃ má ǹ kaa gána kɔsɔn nɛ, ǹ tá re doɛ̃ bɛa biikoo li, ma masɛ din nə Dɛnaa Lawa lɛa.

Ezekieli 20:23

Má wusoo má n liɛ ǹ nɛ don lɛ nɛ má pɛ máa ma á re ǹ sasawɛɛ ma ǹ kaa tɔrɔ kɔsɔn bii, ma ǹ pɛpɛsɛ̃, ma ǹ kaa gána kɔsɔn nɛ.

Ezekieli 22:15

«Ma á re ka niniɛ kɔn tɔrɔ kɔsɔn bii, ma ka pɛsɛ̃ gána kɔsɔn nɛ. Gɔgɔrɛbaa ǹ siin kɛn ka tá ǹ zɛnɛɛ, ma á re ka kurii bɛ ganaa.

Ezekieli 32:26

Mesɛkin kii ni, ka Tubaalin kii ni, bɛn dɔn man walan, kun ka ǹ zia-baalin ni, ǹ sɔraasin yalan nə́ ǹ wɔn kaa bii. Bɛa soroman lɛn, ǹ tumaa gã zia la, a laanɛ ǹ nə́ goã nyɛ́ɛ kiɛ minin ganaa yiikoonaan kanaa kɛ nɛ.

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Timəə dí-pɛn 28:36

Ka dinin ni, ka ka kii mɛn lɛ bɔ ká koa ka mìi la, Dɛnaa Lawa á re ka diɛ tɔrɔ kɔsɔn gána nɛ, tɔrɔn mɛnɛn bɛ́ ka laanka ka digolon nə ǹ dɔ̃ wa. Walan kəni, dìn mɛnɛn bɛ́, ǹ nə́ ǹ zɛnaa ka gɔn nɛ, ka kɔlɔ nɛ, ka á re bɛn guguru koe.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.