Timəə dí-pɛn 4:26 - LAWA A BOO SONBORE

²⁶ Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

LAWA A BOO SONBORE 2011

²⁶ Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 4:26 ပူးပေါင်းရင်းမြစ်များ

Siin Giala 19:13

Wɔ n die kiwi lɛ yui sonbore. A giala, minin zɛ̀rɛbaa mɔnaa ǹ ganaa Dɛnaa yɔrɔ-a, bɛ lɛ nɛ, á wɔsɛn dia mà wɔ da yu.»

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Zeremii 2:12

Lon mànan lɛn, kɛ doamaa nɛ a ka yiri lɔlɔkɔn, a ka gɔ̀nɔn bìn da, a bɔbɔnɛɛbaa ka gù dɛ. Masɛ Dɛnaa Lawa a da ǹ boo ne.

Zeremii 22:29

Maa gána, maa gána, maa gána, n too kɔ Dɛnaa Lawa a da ǹ boo li!

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 6:19

Ka n too kɔ kanaa tumaa a tɔrɔn: Man die koe boe minin kɛn ganaa. Ǹ dí mɛn lɛ bɔ, bɛ lɛ a binyəə ne. Ma boo mɛn da ǹ nɛ, ǹ yiri bɔ bɛ li wa. Ǹ nə́ n piã ka maa dí-pɛn nɛ.

Ezekieli 33:28

Ma á re gána lɛ yui, ma baa ka diə gole bɛ́ lɔn. A din-koa ke á we a pàã kɛ taman yii, bɛ á re papaɛ̃. Izirayeli gána a kelen kɛn kooro á die goɛ̃. A giala, min ba re yii a bɔ walan doo wa.

Ezekieli 36:4

Bɛ lɛ taman yii, Izirayeli a kelen lɛn, ka n too kɔ masɛ Dɛnaa Lawa a boo li. Masɛ Dɛnaa Lawa n kɛ pii kelen manɛ ka tentenen ne, mu ziin laanka nyankɔrɔ basan nɛ, kɛbɔlɔn laanka kiwi-soen ne, lɛkoro lɛ-a a tɔrɔn bɛ́ ǹ nə́ ǹ mɛnɛn minin kokoo, ǹ nə́ ǹ da yaa lɛa.

Lawa a wúlu-bɔlen 18:28

Min mɛnɛn nə goã gána lɛ-n lɛlɛ, bɛn man nə́ gána lɛ gɔgɔrɛ kɔ, bɛ lɛ nɛ, gána lɛ nə́ n bɔ ǹ li. Sɛnɛ, bɛ̀ kasɛn nə gána lɛ gɔgɔrɛ kɔ wa, gána lɛ a die n boe ǹ li ka á ke á n bɔ bɛn li lɔn wa.

Misee 1:2

Haya, tɔrɔn tumaa, ka n too kɔ! Tán laanka màn mɛn tumaa bɛ́ la, ka n too kɔ doɛ̃! A giala, Dɛnaa Lawa n die yui ka gialaa. Dɛnaa din nə die n toɛ a kion sonbore kɛ nɛ, a yoo ka gialaa.

Misee 6:2

Kelen lɛn, ka n too kɔ Dɛnaa Lawa a foo busu ǹ boo li, kasɛn dɔn, tán giala wɔ ǹ bǎã kakan kɛn, ka n too kɔ. A giala, Dɛnaa Lawa na a foo busu ǹ boo diɛ a zaman nɛ, a laanka Izirayeli minin lɛn man kɔn.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 11:17

Bɛ̀ ká bɛ zɛnaa, Dɛnaa Lawa foo n die yui ka li. A n die lɛ̀ gere koe, la ná a kiɛ doo tán nə́ bǐɛ̃ koe wa. Ka n nɔmiɛ̃ ka papaã ka n bɔ gána kɛ lɛ n fufuu, Dɛnaa Lawa n die koe ka la.

Timəə dí-pɛn 28:20

Ka bɛ́ re n gɔn diɛ dí woo dí ganaa mà ka n nyɛɛ, Dɛnaa Lawa á re bɔ̀n diɛ ka ganaa bɛ gɔ́ɔ̃ nɛ, a nyɛ́ɛ laanka gɔ́ɔ̃-bii da ka ganaa, yǎa ka giɛ̃ lenlen ka nyɛɛ bǎã goon ne, kaa sii baraa kɛ taman yii ká zɛnaa. A giala, ka n ká tii.

Timəə dí-pɛn 28:22

Dɛnaa Lawa á re gɔ̀nɔn-wɛ̃ diɛ ka ganaa, a ka là paparɛ, ka pɛrɛ. Á re lɛ̀ gere koe kaa mànan ganaa, a gìa da ǹ ganaa, ka doloka nɛ. Bɛn man die goɛ̃ ka gialaa, yǎa ka papaɛ̃.

Timəə dí-pɛn 28:45

Bɛa bɔ̀n gigiã kɛ lɛ tumaa n die n yui ka la, a goã ka kio miɛ̃ yǎa a doe ka ganaa a wɛɛ ka la. A giala, ka n ká kaa Lawa, Dɛnaa Lawa bɔlɔ tii: A gɔn waa ǹ boon laanka landa boon mɛnɛn lɛn kɔ ka la, ka kɔ bɛn lɛ wa.

Timəə dí-pɛn 28:61

Haalɛ busun mɛnɛn tumaa laanka dɔlɔ mɛn tumaa dɔ din nə́ ke ǹ boo ná a kiɛ̃-n dí-pɛn sɛ́wɔ kɛ-n wa, Dɛnaa Lawa á re bɛ tumaa diɛ ka mìi ni, yǎa ka giɛ̃ ka nyɛɛ lenlen.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timəə dí-pɛn 31:28

A bɛ́ miɛ̃, ka kaa tɔrɔn lɛn min golen tumaa laanka ǹ zaman-lɛduə̃lin sɔkɔn ma li. Ma á re lon laanka tán biɛ ma siéren lɛa ǹ ganaa, mà boon kɛn pɛ Izirayeli minin lɛn manɛ ǹ ma.

Timəə dí-pɛn 32:1

Lon mànan lɛn, ka n too kɔ, man die boo diɛ, tán mànan dɔn, ka n too kɔ ma lɛ gɔ́ɔ̃ ǹ boon li.

Timəə dí-pɛn 7:4

Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.

Timəə dí-pɛn 8:20

Bɛ̀ ka kaa Lawa, Dɛnaa Lawa lɛ si wa, ka á re papaɛ̃ ka tɔrɔ kɔsɔn kɛn bɛ́ lɔn, Dɛnaa Lawa nə́ ǹ papaɛ̃ ǹ boe ka nyɛɛnɛ.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 24:20

A giala, bɛ̀ ka Dɛnaa Lawa toa walan, ká tɔrɔ kɔsɔn dìn guguru kɔ, a laanɛ á bǐɛ̃ zɛnaa ka nɛ, a n die n bɔyɛɛ ka li bɛ kio, a baraa zɛnaa ka nɛ, a ka dɛ a ka nya.»