Timəə dí-pɛn 4:24 - LAWA A BOO SONBORE

²⁴ A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

LAWA A BOO SONBORE 2011

²⁴ A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Timəə dí-pɛn 4:24 ပူးပေါင်းရင်းမြစ်များ

Kiin2 24:20

Bɛa sii kɛ lɛ na á Zeruzalɛmu laanka Zudaa tɔrɔn yɛ, a giala Dɛnaa Lawa foo na á yoo ǹ li, á ǹ wɔlɔ lui a din ganaa. Bɛ kio, Sedekiasi nə́ n gòãn dii Baabilonii a kii lɛ ganaa.

Loen 21:9

Kii, n gɔn tá re doe n zɔ́ɔn kɛn tumaa ganaa, n gɔn tá re doe n baa zɔ́ɔbaa wolen kɛn ganaa.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Bɔ bɛ̀rɛbaa nɛ 15:7

N golebaa lɛ á kaãbaa diɛ, bɛ lɛ nə n zɔ́ɔn dii. Bɛ̀ n foo yoo, a n goon ka tɛ nɛ, a nə n zɔ́ɔn kuĩ ka buu bɛ́ lɔn.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 24:17

Izirayeli nɛnyaanan lɛn man nə́ goã Dɛnaa a gugurubaa lɛ yii, ka n pɛ mà tɛ buə̃ gole bɛ́ lɔn kele lɛ mìi ni.

Bɔ bɛ̀rɛbaa nɛ 33:3

Ka wɔ bɛa gána kɛ lɛ nɛ, tɔɔ-too laanka tán-kɔsiɛ á bǐɛ̃ koe a nɛ. Ma a boe la ma wo kun ka nɛ bɛa gána kɛ lɛ-n wa, a giala, ka n tɔrɔ too kaka-a lɛa, ma tɔn kiɛ̃ ma ka dɛ ma ka nya zii la.»

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Izayii 10:17

Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 30:27

Dɛnaa Lawa á ke, a n boe tìãlɛa die. A foo-yoo n tɛ lɛa ka kurukuru. Foo-yoo nə n daa a lɛ la. A da ǹ boo n ka tɛ bɛ́ lɔn màn kuĩ.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 42:8

Man Dɛnaa Lawa lɛa. Bɛ lɛ n ma tɔ lɛa. Maa gugurubaa ke, bɛa doe min kɔn ganaa wa. Ma ba maa tɔ golebaa kɛ toɛ dì nyínin kɛn manɛ wa.

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Minin nimi 25:11

«Lawa a wúlu-bɔle Pinasi ke, Eleyazaara a nɛ lɛa, Aarɔn a nɔ̀ɔn lɛa, bɛ na á ma foo da waa ganaa Izirayeli minin lɛn li. A giala, maa sii kaka kɔ a gɔn Izirayeli minin lɛn bii, ka n pɛ mà masɛ din ni. Bɛ lɛ n ke, a laanɛ masɛ tá n liɛ ǹ Lawa goon toto lɛa, ma ǹ bɔ̀n baa lenlen wa.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 5:9

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Timəə dí-pɛn 9:3

Ka dɔ̃ pelo, mà kaa Lawa, Dɛnaa Lawa lɛ din nə die miɛ̃ ka nyɛɛnɛ, ka tɛ á ke màn kuĩ lɔn. A din nə die ǹ dii, a ǹ kaa tán ka nyɛɛnɛ. Ka á re ǹ lui, ǹ papaã ǹ nə n bɔ walan bǎã goon, ka Dɛnaa Lawa bɛ́ á n lɛ kɔ ka la lɔn.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.