Timəə dí-pɛn 4:19 - LAWA A BOO SONBORE

¹⁹ Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

LAWA A BOO SONBORE 2011

¹⁹ Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Timəə dí-pɛn 4:19 ပူးပေါင်းရင်းမြစ်များ

Siin Giala 1:14

Lawa tɔ́n wusoo á pɛ kɛnɛn: «Folon-kaalin nə bɔ lon gɔ̀nɔn ganaa, ǹ lɛawaa laanka tèlò a bɔkɔnlɛ nyaa. Ǹ nə n baa biikoo nyaa ǹ mànan lɛa, ǹ zɔ́n biikoon nyaa, ka lɛawaan laanka lɛ̀n nɛ.

Siin Giala 2:1

Lon laanka tán nɛ, ka ǹ gɔ́ɔ̃gɔ́ɔ̃ ǹ mànan tumaa nə́ n zɛnaa, ǹ nə́ nya.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Kiin2 23:11

Zudaa gána a kiin nə goã ǹ nə́ sùin mɛnɛn kɔ wasa la, kii lɛ bɛn papaã. Bɛa sùin lɛn man nə́ goã Lawa a kion lɛ a kiɛnlɛ-a, kunu kii kiodɛnaa Netan-Melɛki a kion kɛ li. Kionən mɛnɛn bɛ́ doa-n Lawa a kion kɛ ganaa, Netan-Melɛki lɛ na á goã walan. Kii lɛ wasa a wotoron kɛn dɔn tã.

KZS2 33:3

Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Loen 19:3

Lɛawaa na a boo diɛ biɛ̃ ǹ lɛawaa nɛ, tèlò na a boo diɛ biɛ̃ ǹ tèlò ne.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Zeremii 33:25

Masɛ Dɛnaa Lawa n kɛ pii: «Má lɛ-kɔ wɔ lɛawaa laanka tèlò bii. Má landa siin koa lon laanka tán wɔ lɛa.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Ezekieli 18:6

Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa.

Ezekieli 8:16

Bɛ kio, á n bɔyaa ma nɛ, á woo Lawa a kion lɛ a sumu gɔ́ɔ̃ nɛ. Ma bɛ́ Lawa a kion lɛ a wɔ ǹ kiɛnlɛ-a, bɛ̀ giĩ fuəwensooro á ke golee-n siã kɛ laanka wúlu bɔ ǹ bǎã kɛ bii, ǹ nə́ n dɔ̀ɔ̃ wɔ Dɛnaa Lawa a kion lɛ din ni, ǹ nə́ n yɔrɔ dia lɛ̀giala li, bɛ̀ ǹ kaa tán bɛ̀ ǹ wasa guguru kɔ.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Rɔmu minin 1:25

Lawa màn mɛn da, maǹ bɛ guguru koe, sɛnɛ, Lawa din mɛn bɛ́ màn lɛ a diɛ wole lɛa, ǹ ba bɛ guguru koe wa. Haalɛ ka bɛ yii ni, Lawa tɔ n goɛ̃ guguru miɛ̃ yǎa duduu. A n miɛ̃! Ǹ bɛ́ ǹ nə́ Lawa a sonbore kɛ dɔ̃, ǹ ná a lonkɔ ka soɛ nɛ.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 17:3

Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.

Timəə dí-pɛn 4:18

màn giɛɛraa tán nɔ̀ la wolen ne, ka mu li ǹ zɔ̀n nɛ, a nyan bɛ kɔn nyin baa wa.