Timəə dí-pɛn 4:13 - LAWA A BOO SONBORE

¹³ A ná a lɛ kɔ kɔn la ǹ boon lɛn pɛ ka nɛ, boo fù kɛ lɛ, á n gɔn waa ka nɛ, mà ka kɔ ǹ lɛ. Á ǹ kiɛ̃ kɔlɔ-sɛlɛɛ màn paa dɔ ganaa.

LAWA A BOO SONBORE 2011

¹³ A ná a lɛ kɔ kɔn la ǹ boon lɛn pɛ ka nɛ, boo fù kɛ lɛ, á n gɔn waa ka nɛ, mà ka kɔ ǹ lɛ. Á ǹ kiɛ̃ kɔlɔ-sɛlɛɛ màn paa dɔ ganaa.

Timəə dí-pɛn 4:13 ပူးပေါင်းရင်းမြစ်များ

Kiin1 8:9

Màn kɔn nə goã goo lɛ gɔ́ɔ̃-n wa, bɛ̀ á n bɔ kɔlɔ-sɛlɛɛ paa kɛ lɛ nɛ Muizu goã á ǹ kaa a nɛ Orɛbu, bɛ̀ Dɛnaa Lawa bɛ́ á lɛ-kɔ wɔ Izirayeli minin lɛn la ǹ soo Ezipti gána-n waáraa.

Loen 119:4

N din a minin doroo ǹ boon kɛn ń kɔ, man giɛ, mà ǹ bɛn tamaa sɔnbɔraanɛ.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 34:1

Dɛnaa pɛ Muizu ni: «Kɔlɔ màn paa sɛlɛ, ka bibinaa wɔ màn paa kɛ lɛ bɛ́ lɔn. Ma boon mɛnɛn kiɛ̃ bibinaa wɔn kɛn lɛn ganaa, n nə́ ǹ yɔyɔrɛ ke, man die wusii, ma bɛa boon kɛn lɛn kiɛ̃ ǹ dɔn ganaa.

Bɔ bɛ̀rɛbaa nɛ 34:28

Muizu na á goã kun ka Dɛnaa-n walan yǎa lɛawaa pusi ka tèlò pusi. A màn bii wa, a mu dɔ mi wa. Muizu lɛ kɔ kɔn la ǹ boo fù lɛ kiɛ̃ kɔlɔ sɛlɛɛn lɛn ganaa.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Timəə dí-pɛn 4:12

Dɛnaa Lawa na á goã n toɛ bɛa tɛ lɛ bii boo diɛ ka nɛ. Ka n ká goã a boo-diɛ lɛ miɛ, sɛnɛ, ka màn kɔn yɛ ka yii-n wa, bɛ̀ á n bɔ lɛn kɛ lɛ nɛ.

Timəə dí-pɛn 4:14

Bɛa waáraa kɛ lɛ nɛ, Dɛnaa Lawa nə́ n gɔn waa ma dinmaa nɛ, mà ma ka daraa Landa boon laanka sii yɔrɔ bɔ ǹ boon lɛn ganaa. Ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa, ka doamaa nɛ, ka kɔ bɛa boon lɛn lɛ walan.

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.