Timəə dí-pɛn 4:12 - LAWA A BOO SONBORE

¹² Dɛnaa Lawa na á goã n toɛ bɛa tɛ lɛ bii boo diɛ ka nɛ. Ka n ká goã a boo-diɛ lɛ miɛ, sɛnɛ, ka màn kɔn yɛ ka yii-n wa, bɛ̀ á n bɔ lɛn kɛ lɛ nɛ.

LAWA A BOO SONBORE 2011

¹² Dɛnaa Lawa na á goã n toɛ bɛa tɛ lɛ bii boo diɛ ka nɛ. Ka n ká goã a boo-diɛ lɛ miɛ, sɛnɛ, ka màn kɔn yɛ ka yii-n wa, bɛ̀ á n bɔ lɛn kɛ lɛ nɛ.

Timəə dí-pɛn 4:12 ပူးပေါင်းရင်းမြစ်များ

Bɔ bɛ̀rɛbaa nɛ 19:9

Dɛnaa pɛ nɛ: – Á ke, masɛ á re die n li tɛmaa bara kaara kɛ bii, màn mɛn bɛ́ toɛ, bɛ̀ ma á boo diɛ n nɛ, zaman lɛ ma, ǹ boo la ǹ golee n dɔ li yǎa duduu. Muizu wusoo á zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 20:22

Dɛnaa pɛ Muizu ni: – A pɛ Izirayeli nɛnyaanan lɛn man kɛnɛn: «Ka dinin nə́ yɛ, má n toa lon, má boo da ka nɛ.

Izayii 30:21

N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 40:3

Lɛ-dɛ n boe diə gole ne: Ka zii zɛnaa Dɛnaa Lawa wɔ lɛa. Bǎã gere ne, ka zii tele wɔa Dɛnaa Lawa wɔ lɛa.

Izayii 40:6

Min goon pɛ: «N lɛ dɛ!» Min kɔsɔ nɔ̀n da: «Man lɛ dɛ ka wàa n nɛ?» Á ma lɛ si: «Minbuiin nɛn man ka buu bɛ́ lɔn. Ǹ ba kaka ǹ nə́ la wuru gɔ́ɔ̃ nɛ ǹ buu-n wa.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Matiə 3:3

Lawa a boo gii-dali Izayii boo da min mɛn wɔ gɔn la, ZAÃ din ni. A na á pɛ: «Min a lɛ-dia bɔ diə gɔ́ɔ̃ nɛ á pɛ: Ka Dɛnaa a zii zɛnaa. Ka zii telee sonboren zɛnaa nɛ!»

Timəə dí-pɛn 10:4

Ka bɛ́ soen kɔn kele gòã kɛ la ǹ mɛn pinaa, Dɛnaa Lawa goã á n toa tɛ bii kele lɛ la á boo fù mɛn da kaa wɔ lɛa, á bɛn kiɛ̃ kɔlɔ diin lɛn ganaa, ka bibinaan wɔn lɛn kiɛ̃ ǹ gɔn bɛ́ lɔn. Á bɛa kɔlɔn lɛn kɔ ma la.

Timəə dí-pɛn 4:11

Ká tɔ́n nə n zɔ̃ ká dɔ, ká golee kele lɛ gòã lasa la. Kele lɛ na á goã tɛ lɛa, kuĩ yǎa lon, wɔlɔ tì gole bii, tɛmaa bara bii, ka labara dadaran nɛ.

Timəə dí-pɛn 4:13

A ná a lɛ kɔ kɔn la ǹ boon lɛn pɛ ka nɛ, boo fù kɛ lɛ, á n gɔn waa ka nɛ, mà ka kɔ ǹ lɛ. Á ǹ kiɛ̃ kɔlɔ-sɛlɛɛ màn paa dɔ ganaa.

Timəə dí-pɛn 4:15

Ka yiri bɔ ka dinin li taãn-taãnɛ. A giala, Dɛnaa Lawa bɛ́ tɛ bii á n boo diɛ ka nɛ Orɛbu kele lɛ la ǹ mɛn pinaa, ka a dinmaa yɛ ka yii-n wa.

Timəə dí-pɛn 4:33

Tɔrɔ kɔsɔ mɛn na á Lawa lɛ ma boo diɛ tɛ bii, ka ka á ke ká ma lɔn, a yii wusoo á goã koo?

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Timəə dí-pɛn 5:4

Dɛnaa Lawa na á boo da ka dinin yii ni, kele lɛ la tɛ bii.

Timəə dí-pɛn 9:10

Dɛnaa Lawa na á kɔlɔ-sɛlɛɛ màn paa lɛ kɔ ma la walan. A din nə n toa kele lɛ la tɛ bii á boon mɛnɛn da ka nɛ, a din na á bɛa boon lɛn tumaa kiɛ̃ kɔlɔn lɛn ganaa. A pinaa, bɛ̀ ka á soen kɔn kele gòã kɛ la.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Ebrəə 12:19

ka lɛn gole dɔ nɛ, kaka ka bɛn wuu bɛ́ lɔn. Min mɛnɛn nə bɛ ma, bɛn ná a nyankɔ, mà ǹ ba n too koe boo lɛ ganaa, ǹ wo-n nyɛɛn wa.