Timəə dí-pɛn 4:10 - LAWA A BOO SONBORE

¹⁰ Dɛnaa Lawa na á goã á pɛ ma nɛ, mà ma zaman lɛ sɔkɔn ma kɔ asɛ la. Mà asɛ n die a lɛ gɔ́ɔ̃ ǹ boo pii ǹ ni, màn mɛn bɛ́ toɛ, ǹ nə n daraa asɛ guguru kɔ ǹ gɔn ganaa, ǹ yiikoonaabaa tumaa gɔ́ɔ̃ nɛ, ǹ na a yɔrɔ nyaa ǹ nɛnyaanan dɔn manɛ. A bɛ́ bɛa boo kɛ lɛ diɛ ma nɛ ǹ mɛn pinaa, ká goã goleene kaa Lawa, Dɛnaa Lawa lɛ yɔrɔ-a, Orɛbu.

LAWA A BOO SONBORE 2011

¹⁰ Dɛnaa Lawa na á goã á pɛ ma nɛ, mà ma zaman lɛ sɔkɔn ma kɔ asɛ la. Mà asɛ n die a lɛ gɔ́ɔ̃ ǹ boo pii ǹ ni, màn mɛn bɛ́ toɛ, ǹ nə n daraa asɛ guguru kɔ ǹ gɔn ganaa, ǹ yiikoonaabaa tumaa gɔ́ɔ̃ nɛ, ǹ na a yɔrɔ nyaa ǹ nɛnyaanan dɔn manɛ. A bɛ́ bɛa boo kɛ lɛ diɛ ma nɛ ǹ mɛn pinaa, ká goã goleene kaa Lawa, Dɛnaa Lawa lɛ yɔrɔ-a, Orɛbu.

Timəə dí-pɛn 4:10 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 145:4

Biikoo tumaa a minin tá re n nya ǹ dín kɛn boo diɛ ǹ nɛnyaanan manɛ. Ǹ tá re n boo sii la kɛ laakalɛɛ.

Bɔ bɛ̀rɛbaa nɛ 19:1

Mui sɔɔ Izirayeli nɛnyaanan lɛn soo Ezipti gána-n kio, pelo kɛ lɛ din ni, ǹ nə́ dɔ Sinayii don.

Bɔ bɛ̀rɛbaa nɛ 19:11

ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a.

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Bɔ bɛ̀rɛbaa nɛ 19:9

Dɛnaa pɛ nɛ: – Á ke, masɛ á re die n li tɛmaa bara kaara kɛ bii, màn mɛn bɛ́ toɛ, bɛ̀ ma á boo diɛ n nɛ, zaman lɛ ma, ǹ boo la ǹ golee n dɔ li yǎa duduu. Muizu wusoo á zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Izayii 38:19

Yiikoonaan, hiĩ yiikoonaan dininsɔɔ̃nɔn manə n tɔ boe, ka masɛ á ke lɔn pelo. Díin tá re n bɔlɔgoodɛnaabaa nyɛɛ ǹ nɛnyaanan manɛ.

Luku 1:50

Min mɛnɛn bɛ́ nyɛ́ɛ biɛ a yii ni, a n makara boe bɛn ganaa yǎa duduu.

Timəə dí-pɛn 11:19

Ka die ka a boo da kaa nɛnyaanan manɛ, ka ǹ daraa a ganaa, ta ka n giã-n tán kaa kion, ta ka n tɔ we zii la, kaa waa tán waáraa nɛ, kaa yoo lon waáraa nɛ.

Timəə dí-pɛn 12:1

Landa boon laanka sii yɔrɔ bɔ ǹ boon lɛn man ka kɛn nɛ. Ka digolon Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka die ka n yiri koa li, ka bɛn tamaa walan, kaa tá kanaa lɛawaan tumaa gɔ́ɔ̃ nɛ.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 17:19

Bɛa sɛ́wɔ lɛ n die goɛ̃ a li, bɛ̀ a pɛ baraabaraa, a yiikoonaabaa tumaa gɔ́ɔ̃ nɛ. A doamaa nɛ, a bɛa dí-pɛ lɛ a boon tumaa laanka a landa boon tumaa tamaa, màn mɛn bɛ́ toɛ, a n daraa nyɛ́ɛ baa a Lawa, Dɛnaa Lawa-n ganaa.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 5:2

Wɔa Lawa, Dɛnaa Lawa lɛ lɛ kɔ kɔn la wɔ wɔ nɛ, Orɛbu kele la.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Timəə dí-pɛn 6:7

Ka die ka a boo da kaa nɛnyaanan manɛ ka ǹ daraa a ganaa. Ta n nə giã-n tán, ta n nə n zii tɔ we, n waa tán waáraa nɛ, n yoo waáraa nɛ, n die n bɛ lɛ pɛ.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Sii-nyaan 19:5

Lɛn goon bɔ kii dankan paǹ li a n pii: «Min mɛn tumaa bɛ́ Lawa a dí-nyalin lɛa, ǹ nə nyɛ́ɛ biɛ Lawa nɛ, a bɔnboɛɛnɛn nɛ ka a dadaran nɛ, ǹ tumaa Lawa tɔ bɔ!»

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!