Timəə dí-pɛn 4:1 - LAWA A BOO SONBORE

¹ Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

LAWA A BOO SONBORE 2011

¹ Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:1 ပူးပေါင်းရင်းမြစ်များ

Loen 105:45

Á giɛ sii mɛn li, mà yǎa ǹ na asɛ foo sii boon laanka asɛ a dí-pɛn tamɛɛ, ǹ koe ǹ lɛ. Aleluya, ka Dɛnaa Lawa tɔ bɔ!

Loen 119:4

N din a minin doroo ǹ boon kɛn ń kɔ, man giɛ, mà ǹ bɛn tamaa sɔnbɔraanɛ.

Bɔ bɛ̀rɛbaa nɛ 18:20

n ná a dí-pɛn laanka a daraan nyɛɛ minin manɛ. Ǹ doamaa bɛ́ nɛ, ǹ zii laanka tɔ wɔ ǹ gɔn mɛn saa, n nə n bɛn nyɛɛ ǹ nɛ, ǹ dɔ̃.

Zeremii 11:6

Dɛnaa Lawa pɛ ma-n doo: – Lɛ dia n pɛ Zudaa kiwin ni ka Zeruzalɛmu a ziin la ǹ nɛ, n pɛ kɛnɛn: «Ka lɛ kɔ kɔn la ǹ boon kɛn tamaa, ka kɔ ǹ lɛ!

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Ezekieli 20:11

Má maa landa boon kɛn kɔ ǹ la, má ǹ daraa maa sii yɔrɔ bɔ ǹ boon kɛn ganaa. Bɛ̀ minbuiin nɛ mɛn tá koe bɛn lɛ, ǹ dɛnaa yii á re goɛ̃ koo.

Ezekieli 20:21

Sɛnɛ, ǹ nɛnyaanan lɛn dɔn nə́ n gòãn dii ma ganaa. Ǹ tɔ wɔ á kɔnpɛ ka maa landa boon kɛn nɛ wa, ǹ nə́ maa sii yɔrɔ bɔ ǹ boon kɛn tamaa, ǹ nə́ kɔ ǹ lɛ wa. Bɛn lɛn kɔmalɛ dɔ n toɛ min yii goã koo. Ǹ nə́ maa susu ǹ piin kɛn dɔn ziziɛ̃. Bɛ lɛ na á toa má tɔ́n pɛ máa ma foo mɛn yoo ke, man die dɔlɔ diɛ ǹ mìi ni, yǎa man foo nyɛɛ ǹ la diə gole kɛ lɛ nɛ.

Ezekieli 36:27

Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Lawa a wúlu-bɔlen 18:5

Ka maa landa boon laanka maa sii yɔrɔ bɔ ǹ boon kɛn si. Bɛn lɛn bɛ́ màn mɛn pii, bɛ̀ min mɛn bɛ zɛnaa, ǹ dɛnaa n yiikoonaabaa yii. Masɛ din nə Dɛnaa Lawa lɛa.

Lawa a wúlu-bɔlen 19:19

Ka n doa, ka masɛ a landan kɛn dɔn tamaa: N tɔɔn bii, n nyan toa n tɔɔ tɔrɔ tɔtɔ paa kaa dii kɔn la ganaa wa. N wuru-n, n nyan toa n màn tɔrɔ tɔtɔ paa da a-n wa. Ka nyan toa ka mɔnaa tã ka gɛ̀sɛ tɔrɔ tɔtɔ màn paa nɛ, ka wɔ wa.

Lawa a wúlu-bɔlen 19:37

Ka maa landa boon kɛn tumaa laanka maa sii yɔrɔ bɔ ǹ boon kɛn tumaa tamaa. Ma bɛ́ màn mɛn pii, ka bɛ zɛnaa. Masɛ din nə Dɛnaa Lawa lɛa.

Lawa a wúlu-bɔlen 20:8

Ka masɛ a landa boon kɛn tamaa, ǹ bɛ́ màn mɛn pii, ka bɛ zɛnaa. Ma din Dɛnaa Lawa n má ka bɔ, má ka baa ma din wɔn lɛa.

Lawa a wúlu-bɔlen 22:31

Ka maa gɔn waa ǹ boon kɛn tamaa, ka bɛ́ màn mɛn pii, ka bɛ zɛnaa. Masɛ din ni Dɛnaa Lawa lɛa.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Rɔmu minin 10:5

Dí-pɛn bɔlɔ-sii bɛ́ toɛ, Lawa lɛ kɔ min-a lɔn min pepere lɛa, Muizu sɛ́wɔ kiɛ̃ bɛ wɔ gɔn la á pɛ: «Min mɛn bɛ́ dí-pɛn bɔlɔ sii, a tá ǹ sii zɛnɛɛ, bɛa dɛnaa á re yiikoonaabaa yii bɛn taman yii.»

Timəə dí-pɛn 1:3

Izirayeli minin lɛn soo Ezipti lɛ̀ pusi, a mui fulugoonbaa ǹ wɔ a lɛawaa bibinaa pinaa, Muizu boo da ǹ nɛ, á kɔnpɛ ka gɔn waa ǹ boon kɛn tumaa nɛ, Dɛnaa Lawa kɔ la, ǹ wɔ lɛa.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 11:32

Sɛnɛ, ma bɛ́ landa boon laanka sii yɔrɔ bɔ ǹ boon mɛnɛn pii ka-n pelo, ka n yiri koa li, ka ǹ tamaa.

Timəə dí-pɛn 13:1

Ma bɛ́ n gɔn wɛɛ ka nɛ ka boon mɛnɛn tumaa nɛ, ka n yiri koa ǹ li, ka ǹ tamaa. Ka nyan màn kɔn da li wa, ka nyan màn kɔn dɔ bɔ lɛ wa.

Timəə dí-pɛn 16:20

Ka n doa ka kɔ peperebaa lɛ, màn mɛn bɛ́ toɛ, kaa Lawa, Dɛnaa Lawa bɛ́ gána mɛn lɛ koe ka la, ka yii boo la a goã koo, ka bɛa gána lɛ si ka baa kaa wɔ lɛa.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 30:19

Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.

Timəə dí-pɛn 4:45

Sii zɛnaa ǹ gɔnɔn manɛ, landa boon laanka sii yɔrɔ bɔ ǹ boon ne, Muizu pɛ á nyaa Izirayeli minin lɛn manɛ, bɛ̀ ǹ bɛ́ ǹ nə́ soo Ezipti gána nɛ.

Timəə dí-pɛn 4:8

Tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a landa boon laanka a sii yɔrɔ bɔ ǹ boon man pepere ka dí-pɛn kɛn tumaa bɛ́ lɔn, ma á ǹ pii ka yii-n pelo?

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 5:33

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Timəə dí-pɛn 6:24

Dɛnaa Lawa na á pɛ wɔ nɛ mà wɔ kɔ a landa boon kɛn tumaa lɛ. Bɛ̀ wɔ tá li wɔa wɔ bǐɛ̃ kɔ baraabaraa, wɔ goã wɔ yii n koo, ka wɔ á ke lɔn pelo, yǎa wɔ nyɛ́ɛ biɛ wɔa Lawa, Dɛnaa Lawa lɛ yii ni.

Timəə dí-pɛn 7:11

Maa gɔn waa ǹ boo ke, maa landa boon ne ka maa sii yɔrɔ bɔ ǹ boon kɛn nɛ, ma á ǹ koe ka la pelo, ka toa ka bɛn tamaa.

Timəə dí-pɛn 8:1

Ma bɛ́ gɔn waa ǹ boon mɛnɛn tumaa pii ka-n pelo ke, ka n yiri koa li, ka kɔ ǹ lɛ. Bɛ á re toɛ ka yii goã koo, ka mɔnaa, ka boo la ka wɔ gána kɛ nɛ, Dɛnaa Lawa nə́ n liɛ mà asɛ á re koe ka digolon la.

Timəə dí-pɛn 8:11

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, a sii yɔrɔ bɔ ǹ boon laanka a landa boon ne, ka yiri bɔ, ka nyan bɛn da ka gɔn para-a, n ka yiri yǎa kiɛ̃ boe ka kaa Lawa, Dɛnaa Lawa lɛ-n wa.

Timəə dí-pɛn 9:1

Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Zozoe 3:9

Zozoe tɔ́n pɛ Izirayeli minin lɛn manɛ: «Dɛnaa Lawa lɛ, kaa Lawa lɛa, ka n zɔ̃ ka dɔ kànaa, ka n too kɔ a boo li.»