Timəə dí-pɛn 34:1 - LAWA A BOO SONBORE

¹ Muizu nə́ n toa Moabu a diə bǎã kɛ nɛ, á woo dii Neboo kele la, Pisigaa kele kɛ mìi ni, Zerikoo kiwi yɔrɔ-a. Dɛnaa Lawa gána lɛ tumaa nyaa nɛ: A saa Galaati gána ganaa a wo Dan gána yaa,

LAWA A BOO SONBORE 2011

¹ Muizu nə́ n toa Moabu a diə bǎã kɛ nɛ, á woo dii Neboo kele la, Pisigaa kele kɛ mìi ni, Zerikoo kiwi yɔrɔ-a. Dɛnaa Lawa gána lɛ tumaa nyaa nɛ: A saa Galaati gána ganaa a wo Dan gána yaa,

Timəə dí-pɛn 34:1 ပူးပေါင်းရင်းမြစ်များ

Siin Giala 13:14

Lɔti bɛ́ á n na, á n bɔ Abramu ganaa ǹ mɛn waáraa, Dɛnaa pɛ Abramu-n bɛ kio kɛnɛn: «N bɛ́ bǎã mɛn nɛ ke lɛn, n toa walan, n nə n yii saa n ga gɔsɛ a lɛ̀gɔn laanka gusin a lɛ̀gɔn la ganaa, ka lɛ̀giala laanka lɛ̀nyɛɛn nɛ.

Siin Giala 14:14

Abramu bɛ́ á ǹ dɔɔ̃n lɛa kuĩ boo ma ǹ mɛn waáraa, a dí-nyalin mɛnɛn nə yɛ a kion, ǹ nə́ boe ziabaa la, á bɛn min biɛsɔɔ ka fulukiwisi (318) goa, á kiin lɛn loo yǎa Dan kiwi.

Ezekieli 40:2

Lawa a sii-nyaa gɔ́ɔ̃ nɛ, má woo ma din yaa Izirayeli gána nɛ. Á ma da kele sasasa goon mìi ni walan, gusin a lɛ̀gɔn la. Mànan mɛnɛn nə goã bɛa kele lɛ a gusin a lɛ̀gɔn la, maǹ ka kiwi kɔn a kionən bɛ́ lɔn.

Minin nimi 21:20

Ǹ nə́ tɔ́n nə n toa Bamɔti, ǹ nə́ woo nyankɔrɔ lɛ kɛ nɛ kiɛ̃ Moabu gána nɛ, dia-n woe kele kɛ ganaa, ǹ nə́ bíi Pisigaa. Bɛa kele lɛ baã n zuməə-n diə gole kɛ la.

Minin nimi 23:14

Bɛ kio, Balaaki Balaamu kũ á woo ne bǎã-lɛduə̃lin doa ǹ bǎã kɛ nɛ, Pisigaa kele mìi ni. Á *wúlu bɔ ǹ bǎã sɔbaa dɔ, á wúlu bɔ ka dii gɔ̀lɔ̀ goon laanka sère gɔ̀lɔ̀ goon ne ǹ gogoonmaa la.

Minin nimi 27:12

Dɛnaa Lawa pɛ Muizu ni: «Dii Abarimu kele kɛ la, ma bɛ́ re gána mɛn lɛ koe Izirayeli minin lɛn la, n ga bɛ ganaa.

Minin nimi 33:47

Ǹ nə́ n toa Almɔn-Diblatayimu, ǹ nə́ woo golee Abarimu kelen la.

Timəə dí-pɛn 3:27

Dii Pisigaa kele kɛ la, n nə n yii saa n ga lɛ̀nyɛɛnɛ, gɔsɛ a lɛ̀gɔn la, gusin a lɛ̀gɔn la ka lɛ̀giala nɛ. Ga gána lɛ-a ka n yii ni, sɛnɛ, n ba re Zurdɛ̃ tà kɛ kuri wa.

Timəə dí-pɛn 32:49

«Dii Neboo kele la Abarimu a kele yii kɛ nɛ, Moabu gána nɛ, Zerikoo kiwi yɔrɔ-a. N toa walan n ga Kanaan gána lɛ ganaa, ma bɛ́ ǹ mɛn lɛ koe Izirayeli minin lɛn la ǹ wɔ lɛa.

Timəə dí-pɛn 32:52

Bɛ lɛ nɛ, gána kɛ lɛ ma á re koe Izirayeli minin la, n tá re yii ka n yii ni, sɛnɛ, n gòã na a re miɛ̃ a-n wa.»

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Zozoe 19:47

Sɛnɛ, Dan tɔrɔn bǎã lɛ gèlè papaã ǹ la. Bɛ lɛ nɛ, Dan tɔrɔn lɛn nə́ woo zia baa Lesɛmu kiwi ganaa, ǹ nə́ kũ. Ǹ nə́ kiwi minin lɛn dɛ, ǹ nə́ kiwi lɛ si ǹ nə́ giã a nɛ. Ǹ nə́ ǹ digolo Dan tɔ kɔ Lesɛmu kiwi lɛ ganaa.

Zozoe 22:9

Urubɛn tɔrɔn nɛ, Gaadi tɔrɔn nɛ, Manaasee tɔrɔn lɛn talɛɛ nɛ, bɛn nə́ kiɛ̃ ǹ nə́ n bɔ Izirayeli minin gialakunun lɛn li Siiloo, Kanaan gána nɛ, mà maǹ wusii woe Galaati gána nɛ. Muizu na á goã á bɛa bǎã lɛ kɔ ǹ dɔn la ǹ wɔ gii lɛa, ka Dɛnaa Lawa bɛ́ á goã á pɛ-n lɔn.

Sii-nyaan 21:10

Lawa a Yiri Fu gisĩ ma la, á ma saa, á woo ma nɛ kele gole sasa goon mìi ni: Kiwi sonbore ke, Zeruzalɛmu lɛa, má bɛ yɛ boe lon Lawa li gisĩ tán.

Sii yɔrɔ-bɔlen 18:29

Ǹ nə́ kiwi lɛ tɔ bɔyaa, ǹ nə́ bíi mà Dan, a kɔnpɛ ka ǹ digolo Dan tɔ nɛ, bɛ mɛn bɛ́ á goã Zakɔba a nɛgiĩ lɛa. Bɛ bie wa lɛlɛ, kiwi lɛ tɔ na á goã Layisi.