Timəə dí-pɛn 33:8 - LAWA A BOO SONBORE

⁸ *Levii tɔrɔn wɔ paǹ li, a na á kɛ pɛ: «Dɛnaa, ń nə́ n din dùũ dɔ̃ ǹ mànan kɔ ǹ dí-nyali sonboren kɛn la. Ń nə́ n da ǹ gɔ́ɔ̃ li Masaa, ń dɔlɔ bɔ ǹ ganaa Meribaa mu lɛ a boo-a.

LAWA A BOO SONBORE 2011

⁸ *Levii tɔrɔn wɔ paǹ li, a na á kɛ pɛ: «Dɛnaa, ń nə́ n din dùũ dɔ̃ ǹ mànan kɔ ǹ dí-nyali sonboren kɛn la. Ń nə́ n da ǹ gɔ́ɔ̃ li Masaa, ń dɔlɔ bɔ ǹ ganaa Meribaa mu lɛ a boo-a.

Timəə dí-pɛn 33:8 ပူးပေါင်းရင်းမြစ်များ

KZS2 23:6

Min kɔn doamaa bie a wɔ Lawa a kion lɛ-n wa yǎa Lawa a wúlu-bɔlen laanka Levii tɔrɔn mɛnɛn bɛ́ dí lɛ la. Bɛn tá boe la ǹ wɔ a giala maǹ nə́ ǹ dinin kɔ Lawa la. Zaman tumaa doamaa nɛ a golee Dɛnaa Lawa a sii zɛnaa ǹ gɔn kɛ li.

Ɛsidrasi 2:63

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Ɛsidrasi 8:28

Bɛ kio, má pɛ ǹ nɛ kɛnɛn: «Ka dininmaan bɛ́ ka ka dinin kɔ Dɛnaa Lawa la, mànan kɛn dɔn man Lawa wɔn lɛa. Wɔrɔ kɛ laanka sana ke, foo kɔɔ̃nbaa ǹ wúlu mànan man ka bɛn nɛ, wɔ digolon Lawa, Dɛnaa Lawa wɔ lɛa.

Nehemii 7:65

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Loen 106:16

Ǹ giã ǹ bǎã lɛ nɛ, ǹ nə́ n zɔɔ̃ kɔn ka Muizu ni, ka Aarɔn dɔ nɛ, Dɛnaa Lawa din a min boe kɛ lɛ.

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Bɔ bɛ̀rɛbaa nɛ 17:7

Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Bɔ bɛ̀rɛbaa nɛ 28:30

Muizu, Lawa dùũ dɔ̃ ǹ mànan kɛn kaa tìãbii zéwo kɛ nɛ, ǹ goã Aarɔn foobii, n wɔ ǹ nɛ masɛ Dɛnaa yɔrɔ-a. Aarɔn nə die bɛa mànan kɛn lɛn guĩ a foobii, masɛ Dɛnaa yɔrɔ-a biikoo tumaa li, màn mɛn bɛ́ toɛ, a ma dùũ dɔ̃ Izirayeli nɛnyaanan wɔ paǹ li.

Bɔ bɛ̀rɛbaa nɛ 28:36

«Bɛ kio doo, n nyaǹ màn zɛnaa ka sana yoreen yoreen ne, ka da buu bɛ́ lɔn, ń kiɛ̃ a ganaa ka ǹ bɛ́ gòã-kurii diɛ màn ganaa lɔn, mà "Kɛ n Dɛnaa wɔ lɛa."

Lawa a wúlu-bɔlen 21:7

Lɔ kɔrɔ nɛ, lɔ mɛn dɔ bɛ́ á saa lɛlɛ á giĩ kɔsɔ dɔ̃, ka ǹ mɛn dɔ bɛ́ ǹ zuũ loo, Lawa a wúlu-bɔle doamaa bie a bɛ kɔn saa lɔ lɛa wa. A giala, masɛ Lawa n má wúlu-bɔle lɛ bɔ má koa ma din a dí-nyali lɛa.

Lawa a wúlu-bɔlen 8:8

Bɛ kio, á tìãbii zéwo kɛ lɔɔ a ganaa, á Lawa dùũ dɔ̃ ǹ mànan kɛn kaa bɛ nɛ.

Malakii 2:6

Bɛa minin kɛn lɛn daraa ǹ boo tumaa na á goã pepere, ǹ soɛ boo kɔn da wa. Maǹ nə́ goã giã-n kũ ka masɛ nɛ yii-nyɛɛ gɔ́ɔ̃ nɛ ka peperebaa nɛ, ǹ nə́ min gigiã kurəə sii baraa zɛnaa ganaa.

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 20:13

Bɛa sii kɛ lɛ wɔ paǹ li, ǹ lɛ dɔ Meribaa mu boo ganaa "ga-lɛli ǹ mu", a giala Izirayeli minin lɛn man nə́ goã ǹ nə́ ga Dɛnaa Lawa lɛ li bɛa bǎã kɛ lɛ nɛ. Sɛnɛ, Dɛnaa Lawa ná a gugurubaa nyaa bɛa sii lɛ gɔ́ɔ̃ nɛ.

Minin nimi 20:24

«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ.

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Minin nimi 35:8

Bɛa kiwin kɛn lɛn ka tá re ǹ pɔrɛɛ Izirayeli minin bǎãn nɛ, bɛ̀ ǹ mɛnɛn kiwin tá mɔnaa nɛ, ka die ka bɛn wɔ baa didi, bɛ̀ ǹ mɛnɛn kiwin ba tɛ wa, ka baran bɛn wɔ baa didi wa. Bǎã mɛn dɔ tɔrɔ lɛ a gogoonmaa ganaa, didie n die a kiwin lɛn koe Levii tɔrɔn lɛn la, a zɛnɛ bɛ lɛ.

Timəə dí-pɛn 6:16

Ka baran n da kaa Lawa, Dɛnaa Lawa gɔ́ɔ̃ li, ka ka á ke ká zɛnaa Maasaa lɔn wa.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Timəə dí-pɛn 9:22

Taberaa kiwi, Maasaa kiwi, Kibrɔti-Hataabaa kiwi, ká Dɛnaa Lawa foo yoo bɛa bǎãn kɛn lɛn dɔn nɛ.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.