Timəə dí-pɛn 33:3 - LAWA A BOO SONBORE

³ Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

LAWA A BOO SONBORE 2011

³ Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

Timəə dí-pɛn 33:3 ပူးပေါင်းရင်းမြစ်များ

Loen 31:15

Sɛnɛ, masɛ nə n foo doɛ n din ganaa, Dɛnaa Lawa. Má pɛ: máa maa Lawa n ka n din ni.

Loen 47:4

A din nə tɔrɔn wɔ diɛ wɔa wɔ gɔ́ɔ̃ nɛ A din nə tɔrɔ kɔsɔn kiɛ wɔ gòãn giulun.

Loen 50:5

á pɛ: Ka maa min sonboren lɛn sɔkɔn, min mɛnɛn lɛn nə lɛ kɔ kɔn la wɔ ka masɛ nɛ, ka *wúlu màn nɛ.

Suusun 2:1

Maa nɛ, ma bɔlɔ si, n maa dí-pɛn tamaa.

Boo-laakalaali 9:1

Ma màn mɛn tumaa yɛ, má tɔ́n nə n yii wɔ bɛ nɛ, má ga a ganaa. Má yɛ, máa min peperen ne, sii-dɔ̃lin ni, ǹ nya ǹ dín ni, maǹ Lawa gɔn. Lawa n die n yɔrɔ bǐɛ̃ diɛ minbuiin nɛ la, hinlaa a na a die n yɔrɔ bǐɛ̃ diɛ la wa, min ba bɛ doɛ̃ wa. Min ba boe la a bɛ kɔn toa nyɛɛnɛ a dɔ̃ wa.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Malakii 1:2

Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Matiə 23:2

«Minin daraa Muizu a Landa siin ganaa na á n baa landa sii-daraalin laanka *Fariziɛ̃n dí lɛa.

Luku 10:39

Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa.

Luku 2:46

A lɛawaa sɔɔbaa ǹ wɔ pinaa kəni, ǹ nə́ woo yaa Lawa a kion, á n giã-n tán landa sii-daraalin bii, a nə́ n too koe ǹ lon, bɛ̀ á n nɔ̀n diɛ ǹ la.

Luku 8:35

Minin nə́ soo ǹ nə́ daa ga bɛa sii kɛ lɛ ganaa. Ǹ nə́ dɔ Yezu li, ǹ nə́ yɛ nɔ̀ɔn baraan lɛn nə́ n bɔ giĩ lɛ ganaa. Ǹ nə́ giĩ lɛ yɛ giã-n tán-a Yezu li, mɔnaan ná a ganaa, á n minbuiin yii kɔɔ̃n-a dɔ lɛa tán. Nyɛ́ɛ minin lɛn kũ.

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Tesaloniki1 1:6

Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Zaã1 4:19

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.

Samayeli1 2:9

Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.