Timəə dí-pɛn 33:2 - LAWA A BOO SONBORE

² A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

LAWA A BOO SONBORE 2011

² A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

Timəə dí-pɛn 33:2 ပူးပေါင်းရင်းမြစ်များ

Kiin1 11:18

Maǹ nə́ goã ǹ nə́ n toa Madiã gána nɛ, ǹ nə́ woo ǹ nə́ dɔ Paaran a diə gole ne. Ǹ nə́ Paaran minin kũ ǹ nə́ ǹ kaa kunun ǹ ni, ǹ nə́ woo dɔ Ezipti gána nɛ, kii *Faarahɔn li. Faarahɔn lɛ kion kɔ Adaadi la, á ná a màn-bii bɔ, á tán dɔ kɔ la.

Loen 50:2

Zeruzalɛmu, siĩnbaa lɛ piɛ̃ n walan, a giala, Lawa wɔlɔ fúlu kaa walan.

Loen 68:17

Basan kele! Nsɛ mɛn mìi bɛ́ gigiã, wàa na á baa, n tá miã goã boe kele kɔsɔ kɛ ganaa, Lawa din bɔ, mà asɛ n giɛ̃ la? Hiĩ Dɛnaa Lawa n die giɛ̃ la, yǎa duduu.

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Bɔ bɛ̀rɛbaa nɛ 23:20

«Ma á re lon a dia dí-a wole diɛ ka nyɛɛnɛ, a ka tamaa zii la, a wo ka nɛ gána kɛ nɛ, ma din ná a yɔrɔ bɔ.

Abakuku 3:3

Lawa n boe Temaa, Lawa sonbore lɛ n boe Paran a kelen la. *Doa A golebaa lon pã, a tɔ laakalaa tán pã.

Minin nimi 10:12

Izirayeli minin lɛn nə́ koa kɔn la, ǹ nə́ yoo ǹ nə́ n bɔ Sinayii diə gole lɛ nɛ. Tɛmaa bara lɛ woo golee Paran diə gole ne.

Nya ǹ dín 7:53

Kasɛn mɛnɛn bɛ́ Lawa ná a lon a dia dí-a wolen dia, ǹ nə́ daa a dí-pɛn lɛn kɔ ka la, ka dinin lɛn man ka bɛa dí-pɛn kɛn lɛn bɔlɔ si wa.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Korɛnti2 3:9

Sonbore, dí mɛn bɛ́ toɛ kiri minbuiinin kũ Lawa yɔrɔ-a, gugurubaa yɛ bɛ nɛ. Dí mɛn bɛ́ minbuiinin biɛ min peperen lɛa Lawa yɔrɔ-a, gugurubaa ba re yii bɛa dí lɛ nɛ a la bɛ-n wa? Hiĩ, á yii a nɛ a la nɛ!

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:19

Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.

Galaasi minin 4:24

Boon kɛn man sii a kɔnboen giala pii wɔ nɛ. A giala, lɔ màn paa kɛ n lɛ kɔ kɔn la màn paa giala pii wɔ nɛ. Lɛ-kɔ mɛn nə n wɔ Sinayii kele la, Agaara a sii n bɛa kɔnboe lɛa. A nɛnyaanan mɛnɛn yɛ, bɛn nə́ bɛ̀rɛn baa.

Timəə dí-pɛn 5:22

Dɛnaa Lawa na á bɛa boon lɛn pɛ ka nɛ ka lɛn gole ne, tɛ bii, tɛmaa bii, ka wɔlɔ tì gole ne. Ka mɛnɛn tumaa goã kele lɛ gòã lasa la, a na á boon kɛn lɛn da ka dinin manɛ, a màn kɔsɔ ti a ganaa wa. Bɛ kio, á boon lɛn kiɛ̃ kɔlɔ-sɛlɛɛ màn paa la, á ǹ kɔ ma la.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Ebrəə 12:20

A giala, dí mɛn nə n pɛ ǹ nɛ, ǹ boo bɛa pàã la wa: «Min woo min, haalɛ ta tɔɔ dɔ din ni, a n die n gɔn diɛ kele kɛ lɛ ganaa, ǹ kɔlɔ kaã bɔ a ganaa.»

Ebrəə 2:2

Lawa a lon a dia dí-a wolen nə dí-pɛ mɛn kɔ wɔ digolon la, bɛ ná a dí nya. Sii baraa doamaa bɛ́-n ka dɔlɔ mɛn nɛ, bɛ̀ á daa yaa bɛ nə́ n bɔ bɔlɔ-tii tɔrɔ tumaa a lɛa,

Zude 1:14

Enɔɔki mɛn bɛ́ á goã Aadã a nɔ̀ɔ fulupaa lɛa, bɛ́ Lawa a boo gii da lɛlɛ bɛa minin kɛn lɛn dɔlɔ wɔ gɔn la á pɛ: «Á ke! Dɛnaa n die ka lon a dia dí-a wole duu damata kɛ nɛ,

Sii-nyaan 5:11

Ma bɛ́ giɛ doo, má lon a dia dí-a wole gigiã lɛn ma, ǹ nə́ dɔ duu damata damata, min ná a boe la a ǹ nimi wa. Ǹ nə́ golee ǹ nə́ min golen laanka màn yiikoonaa pàãdɛnan kɛn giã ǹ bǎã lɛnpɛnɛ,