Timəə dí-pɛn 33:1 - LAWA A BOO SONBORE

¹ Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

LAWA A BOO SONBORE 2011

¹ Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Timəə dí-pɛn 33:1 ပူးပေါင်းရင်းမြစ်များ

Siin Giala 27:4

Màn-bii mɛn bɛ́ kɔɔ̃n ma ganaa, n bɛ zɛnaa n da kɔ ma la, ma bii. Ma dinmaa lɛn bǐɛ̃ bíi n li, ma tɔn gã.»

Siin Giala 49:1

Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

Siin Giala 49:28

Izirayeli tɔrɔn lɛn man fulupaa. Ǹ di bɛ́ á boo mɛn da, á barka da ǹ ganaa, bɛ lɛ n ka kɛ nɛ, didie laanka a wɔ nɛ.

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin1 13:6

Kii Zeroboamu lɛ tɔ́n pɛ Lawa a boo gii-dali lɛ nɛ mà a bǐɛ̃ kɔ a na a Lawa, Dɛnaa Lawa lɛ gòã kũ asɛ a lɛa, màn mɛn bɛ́ toɛ a foo basã, asɛ gɔn lɛ boo la a n mɔrɔ asɛ ganaa doɛ̃. Lawa a boo gii-dali lɛ Dɛnaa Lawa gòã kũ, a foo basã, kii lɛ gɔn lɛ tɔ́n boo la, á n mɔrɔ a ganaa doɛ̃, a ná a lɛlɛ ǹ bǎã saa.

KZS1 23:14

Maǹ nə́ Lawa a min Muizu a nɛnyaanan nimi kun ka Levii tɔrɔn nɛ.

KZS2 8:14

A kɔnpɛ ka ǹ di Davida a gɔn waa ǹ boon ne, Salomɔn Lawa a wúlu-bɔlen kurun kɛn kaa ǹ dí lɛ la. Á *Levii tɔrɔn dɔn koa, maǹ loe lɔ ǹ Dɛnaa Lawa tɔ́ bɔ nɛ baraabaraa, ǹ nə́ n dɔ Lawa a wúlu-bɔlen kɛn lɛ ǹ dí nyɛɛ gɔ́ɔ̃ nɛ. Kiɛnlɛ-lɛduə̃lin kurun kɛn kiɛnlɛ gogoonmaa lɛduĩ, á bɛn dɔn kaa ǹ dí lɛ la. Lawa a min Davida na á bɛa dí-pɛn lɛn kɔ.

Loen 90:1

Lawa a min Muizu a Lawa nyankɔ n ke. Dɛnaa, n din nə wɔa duru ǹ bǎã lɛa lɛ̀ woo lɛ̀.

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 3:17

Lawa a Boo lɛ n bɛ zɛnɛɛ, màn mɛn bɛ́ toɛ, Lawa a dí-nyali a sii lɛ pã, a boo la a dí sonbore tumaa nya.

Zozoe 14:6

Bɛa biikoo li, Zudaa tɔrɔ minin kɔnɔn nə́ daa dɔ Zozoe li Gilgaali. Kenizi tɔrɔ Zefunee a nɛgiĩ Kalɛbu tɔ́n pɛ nɛ: Dɛnaa Lawa boo mɛn da a boo gii-dali Muizu ni masɛ laanka n din Zozoe wɔ paǹ li Kadɛsi-Barneya kiwi, táa n yiri tá a nɛ?

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Sii yɔrɔ-bɔlen 13:6

Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

Samayeli1 2:27

Lawa a boo gii-dali goon n daa Elii li á pɛ nɛ mà Dɛnaa Lawa n kɛ pii: «Á ke, masɛ nə́ n din nyaa n digolon lɛn manɛ foãnɛ, a ǹ toa Faarahɔn a bɛ̀rɛbaa gɔ́ɔ̃ nɛ Ezipti gána nɛ.