Timəə dí-pɛn 32:5 - LAWA A BOO SONBORE

⁵ Maǹ nə́ n dinin ziziɛ̃, Lawa sii bie wa, bɛa sìi nə ǹ dinin ganaa, ǹ ba a nɛnyaanan lɛa wa min gɛsɛ manɛ, min kɔkɔrɔn manɛ.

LAWA A BOO SONBORE 2011

⁵ Maǹ nə́ n dinin ziziɛ̃, Lawa sii bie wa, bɛa sìi nə ǹ dinin ganaa, ǹ ba a nɛnyaanan lɛa wa min gɛsɛ manɛ, min kɔkɔrɔn manɛ.

Timəə dí-pɛn 32:5 ပူးပေါင်းရင်းမြစ်များ

Siin Giala 6:12

Dɛnaa ga kanaa ganaa, á yɛ mà á ziziɛ̃, a giala, minbuiinin tumaa a tɔ wɔ ǹ gɔn baraa kɔ.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Bɔ bɛ̀rɛbaa nɛ 32:7

Dɛnaa boo da Muizu ni, á pɛ: – Gisĩ fufuu. A giala, n zaman lɛ sàabaa, zaman kɛ lɛ, ń soo ne ń bɔ Ezipti gána nɛ.

Suusun 8:8

Ma bɛ́ boo mɛn tumaa diɛ, maǹ ka te. Ma a minin sã ǹ boon diɛ wa, ma a soɛ boe wa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 9:41

Yezu boo saa á pɛ: «Ka tɔrɔ golee Lawa li baãnaa, tɔrɔ baraa kɛn Masɛ n die goɛ̃ ka li yǎa biĩ doo, ma kaa sii si ma ganaa? Da ka n nɛ lɛ nɛ kànaa.»

Zaã a sɛ́wɔ 8:41

Sɛnɛ, kasɛn man koe ka di a zɛnaa ǹ siin lɛ.» Ǹ nə́ tɔ́n pɛ Yezu ni: «Kikio nɛn bie ka wɔsɛn nɛ wa dɛ! Wɔsɛn Díi n goon toto dinsɔɔ̃, bɛ n ka Lawa nɛ.»

Nya ǹ dín 2:40

Piɛrɛ boo gigiã kɔsɔn da á Lawa a boo nyaa nɛ, á minin lɛn dɔn nyankɔ, á pɛ ǹ nɛ: «Ka baa si, ka n bɔ busii kɛ li die mɛnɛɛ min kɔkɔrɔn kɛn la.»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Timəə dí-pɛn 31:29

A giala, ma á doɛ̃, máa maa gɛ̀ kio, ka tá re n dinin ziziɛ̃. Ma zii mɛn nyaa ka nɛ, ka tá re kanɛɛ ka n bɔ bɛ la. Bɛa giala-nyɔmiɛ̃ lɛ á re bɔ̀n biɛ ka ganaa. A giala, sii mɛn bɛ́ a ba siĩni Dɛnaa Lawa yii li wa, ka n die bɛ lɛ zɛnɛɛ, ka a foo yoo ne.»

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Timəə dí-pɛn 4:16

Bɛ lɛ nɛ, ka baran màn nyín zɛnaa, ka ka dinin ziziɛ̃-n wa. A nyan goã màn kɔn din nyin lɛa wa: giĩ hinlaa lɔ nyin,

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Timəə dí-pɛn 9:24

Masɛ din ka dɔ̃ ǹ mɛn pinaa, ka n Dɛnaa Lawa bɔlɔ-tiilin lɛa miɛ̃.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Sii yɔrɔ-bɔlen 2:19

Sɛnɛ, bɛ̀ sii yɔrɔ-bɔle lɛ gã lɔn, maǹ wusii bɛ̀ ǹ gɔgɔrɛbaa ǹ sii zɛnaa a la ǹ digolon kɛn wɔ nɛ. Maǹ nə́ goã koe lawa kɔsɔn lɛ, ǹ nə́ dí nyɛɛ bɛn manɛ, bɛ̀ ǹ kaa tán ǹ yɔrɔ-a, bɛ̀ ǹ bɛn guguru kɔ. Ǹ goã ǹ zɛnaa ǹ sii babaraan kɛn laanka ǹ too kakabaa ǹ sii kɛ kɔn kiɛ wa.