Timəə dí-pɛn 32:47 - LAWA A BOO SONBORE

⁴⁷ A giala, boo kɛ lɛ bie boo kooro lɛa wa. Boo kɛ lɛ, ka nyin biɛ nɛ. Bɛ̀ ká si, ka bɛ́ re Zurdɛ̃ tà kuri, ka wɔ gána mɛn lɛ nɛ ka si ka baa kaa wɔ lɛa, ka á re nyin sasa yii a nɛ.»

LAWA A BOO SONBORE 2011

⁴⁷ A giala, boo kɛ lɛ bie boo kooro lɛa wa. Boo kɛ lɛ, ka nyin biɛ nɛ. Bɛ̀ ká si, ka bɛ́ re Zurdɛ̃ tà kuri, ka wɔ gána mɛn lɛ nɛ ka si ka baa kaa wɔ lɛa, ka á re nyin sasa yii a nɛ.»

Timəə dí-pɛn 32:47 ပူးပေါင်းရင်းမြစ်များ

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Suusun 3:22

Ǹ tá re yii-nyɛɛ koe n la.

Suusun 4:13

N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo.

Suusun 4:22

Min mɛnɛn tumaa bɛ́ maa boon sii, a n yiikoonaabaa koe ǹ la ka kakabaa nɛ.

Izayii 45:19

Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.

Lawa a wúlu-bɔlen 18:5

Ka maa landa boon laanka maa sii yɔrɔ bɔ ǹ boon kɛn si. Bɛn lɛn bɛ́ màn mɛn pii, bɛ̀ min mɛn bɛ zɛnaa, ǹ dɛnaa n yiikoonaabaa yii. Masɛ din nə Dɛnaa Lawa lɛa.

Amɔɔsi 5:4

Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 31:13

Bɛ á re toɛ, ǹ nɛnyaanan mɛnɛn bɛ́ ǹ goã doɛ̃ wa, bɛn dɔn nə ma, ǹ boo la ǹ nyɛ́ɛ baa kaa Lawa, Dɛnaa Lawa lɛ yii ni, kaa yiikoonaabaa tumaa gɔ́ɔ̃ nɛ, a ka toa bǎã kɛ nɛ ka n die sii ka baa kaa wɔ lɛa, Zurdɛ̃ tà kio.»

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Piɛrɛ2 1:16

Sonbore, wɔ bie wɔ́ n gòãn koa minbuiinin yiridɛnaabaa ǹ lɛlɛ boon la, wɔ́ wɔa Dɛnaa Yezu Krita a wusoo a da ka pàã-n kɛ boo da ka-n wa. Wɔ n wɔ́ n gòãn koa wɔ dinin wɔa yɛ ka wɔ yii-n kɛ la. Wɔ́ yɛ ka wɔ yii ni a golebaa kɛ nɛ,

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.