Timəə dí-pɛn 32:42 - LAWA A BOO SONBORE

⁴² Bɛ̀ maa gɔya sa kɛ tá ǹ siĩ gialaa ǹ mɛn waáraa, ma á re maa kiɛn kɛn goe ka mà nɛ ǹ mi, ǹ yii tii. Ma á re maa zɔ́ɔn lɛn goledɛnan mìi wɔsɛ kɔn. Gɔn nə min mɛnɛn kũ, ka kòso nɛn nɛ, ma á re bɛn mà kiɛ.»

LAWA A BOO SONBORE 2011

⁴² Bɛ̀ maa gɔya sa kɛ tá ǹ siĩ gialaa ǹ mɛn waáraa, ma á re maa kiɛn kɛn goe ka mà nɛ ǹ mi, ǹ yii tii. Ma á re maa zɔ́ɔn lɛn goledɛnan mìi wɔsɛ kɔn. Gɔn nə min mɛnɛn kũ, ka kòso nɛn nɛ, ma á re bɛn mà kiɛ.»

Timəə dí-pɛn 32:42 ပူးပေါင်းရင်းမြစ်များ

Samayeli2 1:22

yǎa zɔ́ɔn mà, yǎa zia-baalin kɛn nyɔɔ. Zonaatan a sa goã n nyɛnɛɛ min ni wa, Sayulu a gɔya sa kɛ goã n bɔyɛɛ gere wa.

Zɔbu 13:24

Wàa na á baa n tá n yɔrɔ bɔyɛɛ boe ma la, n nə́ ma kuĩ n zɔ́ɔ lɛa?

Loen 45:5

N sa dii, n kiɛ da la. Zia baa sonbore a lɛa, foo-basiɛ̃ a lɛa, peperebaa a lɛa. Wo ka pàã nɛ, n gɔ̀lɔ̀baa yɛ.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 68:23

Dɛnaa din na á pɛ: Ma á re boe n zɔ́ɔn lɛn nɛ Basan gána nɛ, ma bɔ ǹ nɛ yìsi mu gialaa,

Izayii 34:5

Dɛnaa Lawa a gɔya sa á ke yii lon. Á ke gisĩ Edɔmu minin la, a tɔrɔ mɛn lɛ bɔ á koa ziziɛ̃ taman yii.

Zeremii 12:12

Diə gole a kele mìi kooro-an kɛn tumaa la, basaã-kɔlen man die. Dɛnaa Lawa màn tumaa ziziɛ̃ a kũ gána paǹ goon kɛ ganaa a wo a paǹ kɔsɔ kɛ yaa. Yii-nyɛɛ banban min kɔn wɔ lɛa wa.

Zeremii 16:10

Bɛ̀ n boon kɛn tumaa da zaman lɛ nɛ ǹ mɛn waáraa, kɔntan min tá re nɔ̀n diɛ n la a pɛ: «Wàa na á baa Dɛnaa Lawa koe kɛ miã da wɔ mìi ni? Wɔ n wɔ sii baraa zɛnaa? Wɔa sã n ka wàa nɛ Dɛnaa Lawa, wɔa Lawa ganaa?»

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Timəə dí-pɛn 32:23

Man die bɔ̀n gigiã diɛ ǹ ganaa, yǎa maa kiɛ nyɛɛ ǹ ganaa.