Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timəə dí-pɛn 32:4 - LAWA A BOO SONBORE

4 A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

အခန်းကိုကြည့်ပါ။ ကော်ပီ

LAWA A BOO SONBORE 2011

4 A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

အခန်းကိုကြည့်ပါ။ ကော်ပီ




Timəə dí-pɛn 32:4
66 ပူးပေါင်းရင်းမြစ်များ  

Lawa màn mɛn tumaa zɛnaa, á yɛ mà ǹ tá siĩn parsiini. Wasamiɛ̃n yɛ, baayɛlɛ dɔ́ yɛ. A lɛawaa sɔrɔbaa ǹ wɔ n ka bɛ nɛ.


Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»


Dɛnaa Lawa á boe sii la. Ma tamaali ni, ma á barka diɛ nɛ. Lawa n ma kirisibaali lɛa, ma na a din tɔ boe.


Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,


Ka nyɛ́ɛ baa Dɛnaa Lawa-n parsiini, ka sii tumaa zɛnaa ka fubaa nɛ, a giala Dɛnaa Lawa a lɛ koe mɛnaa ma la ganaa wa. A ba li ka bɔnbii-a wɔ minin bii wa. A lɛ koe lɛ pii ǹ màn ganaa wa.»


Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.


Kasɛn mɛnɛn bɛ́ sii giala miɛ, ka n too kɔ ma lon. Lawa á baraa sonbore? Pàãyiidɛnaa lɛ á kɔkɔrɔ sonbore? Taasiɛ bɔbɔnɛɛ!


A laanɛ ń pɛ, mà nsɛ yii ba a ganaa wa, n sii lɛ na a din gɔn le, n yii da la.


Die n Lawa a nya ǹ dí pii ni? Die n pii ni, mà á sã?


Lawa lɛ á sii kɔkɔrɔ zɛnɛɛ ya? Pàãyiidɛnaa lɛ á sii pepere kɔrɛ?


A giala, Dɛnaa Lawa á siĩni, a kɔn-narɛɛ gole kɛ na a tan yǎa duduu, a n bɔlɔgoondɛnaa lɛa biikoo tumaa li.


Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.


Dɛnaa Lawa a sii tumaa n pepere, a zɛnaa ǹ sii tumaa n siĩni.


Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.


Dɛnaa Lawa, ma tá n narɛ, n din nə ma pàã lɛa.


Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.


A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.


Ǹ kan mɛn koa ma nɛ, n din tá re ma kanbiɛ bɛ ganaa, a giala, n din nə ma tamaali lɛa.


Dɛnaa Lawa a boo tumaa n taãn lɛa, min tá boe la a n foo doa a zɛnaa ǹ sii tumaa ganaa.


Ǹ yiri n gisĩ a nɛ mà Lawa nə ǹsɛn tamaali lɛa, mà Lon a Lawa Gole nə ǹsɛn zia gii dali lɛa.


Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.


Toa wɔ n nya ǹ dí yɛ, wɔ tɔrɔn nə boo la ǹ nə n golebaa yɛ.


Ta a na á zizi kɔ, a nɛ-kɔ a sàabiɛ wa. Mu n goɛ̃ a gɔ̀nɔn nɛ giãgiã, a n goɛ̃ buruu miɛ̃ duduu.


Baran laanka wɔlɔ tì biribiri na a lɛnpɛnɛɛ. A kiibaa lɛ giala n we-n peperebaa laanka a dí-pɛn tamaa la.


Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.


Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.


Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.


Má dɔ̃, máa Lawa bɛ́ sii mɛn tumaa zɛnɛɛ, bɛ n bele-boe yǎa duduu. Màn kɔn ba n diɛ li doɛ̃ wa, màn kɔn ba n boe lɛ doɛ̃ wa. Lawa n bɛ zɛnɛɛ, màn mɛn bɛ́ toɛ ǹ nyɛ́ɛ baa asɛ yii ni.


Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.


Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.


Ka n foo doa Dɛnaa Lawa ganaa yǎa duduu. A giala, a din nə gɛ̀fu kaka lɛa, a na a tan duduu.


Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.


A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.


Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.


Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.


Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.


A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.


N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.


A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.


Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.


Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.


Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.


Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.


Díi a kiri we min kɔ́n ganaa wa; a na á kiri wɔ ǹ sii tumaa toa a Nɛgiĩ lɛ gɔn,


A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.


Wɔ́ dɔ̃ mà min mɛnɛn bɛ́ bɛa siin kɛn zɛnɛɛ, mà á pepere, Lawa kiri kuru ǹ la.


N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.


Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.


mu mɛn dɔ bɔ Lawa li, ǹ tumaa bɛ dɔ mi kun. A giala, kɔlɔ na á bɔ Lawa li, a nə́ ǹ diɛ zii, ǹ nə́ mu mii a nɛ. Bɛa kɔlɔ kɛ lɛ, *Krita nɛ.


A din nə boe nɛ-toenən laanka lɔ giɔɔrɔn lɛ-a, a n gùlin narɛ, a màn-bii laanka wɔ ǹ mɔnaa kɔ ǹ la.


Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.


Lawa mɛn lɛ nə ǹ zɛnaa, á nə́ ǹ tamaɛ, maǹ nə́ n la bɔ bɛ lɛ-a. Lawa mɛn lɛ nə ǹ zɛnaa á ǹ kaa kanaa, ǹ yiri bɔ ka bɛ lɛ nɛ.


Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.


Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.


Lawa goon toto dinsɔɔ̃ na á dí-pɛn lɛn koa, a din nə kiri-kuruli lɛa. A din nə boe la a min kirisibaa, á boe la dɔn a na a bɔ̀n baa. Sɛnɛ, nsɛ mɛn bɛ́ zɛ̀rɛ koɛ n miã ganaa, nsɛ nə n din biɛ wàa lɛa?


A giala, Lawa a boo n pii: «Bɛ lɛ nɛ man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n foo doa a ganaa, bɛa dɛnaa a re bìn diɛ wa.»


Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ