Timəə dí-pɛn 32:39 - LAWA A BOO SONBORE

³⁹ Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

LAWA A BOO SONBORE 2011

³⁹ Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Timəə dí-pɛn 32:39 ပူးပေါင်းရင်းမြစ်များ

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Kiin2 5:7

Kii lɛ bɛ́ á sɛ́wɔ lɛ pɛ á nya, a ná a mɔnaan tɔtoɛ̃ foo ziziɛ̃ gɔn á pɛ: «Siirii gána a kii lɛ din bɛ́ yui min diɛ masɛ li mà ma a gɔ̀nɔn ki busu babaraa nya ma bɔ a ganaa, Lawa n ka masɛ nɛ, boe nyin nya laanka nyin kɔ la? Ka yɛ ka dɔ̃, mà a n giɛ ma lɛ li.»

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Zɔbu 10:13

Sɛnɛ, sii mɛn goã durii ni n gɔ́ɔ̃ nɛ, a din lɛ n ke. Sii mɛn goã n taasiɛ nɛ, ma á doɛ̃:

Zɔbu 10:7

N din dɔ n doɛ̃, mà ma sii la wa, min kɔn dɔ din ba re yii, a ma si n la wa.

Zɔbu 5:18

A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

Loen 102:27

Bɛn lɛn yii á re nyɛɛ, sɛnɛ, nsɛ n goɛ̃ yǎa duduu. Ǹ tumaa á re zizi koe ka mɔnaa bɛ́ lɔn, n tá re ǹ lonkoe ka dɔnkɛ bɛ́ lɔn, ǹ tá re kiɛ̃, ǹ nə ǹ bǎã toa.

Loen 102:28

Sɛnɛ, nsɛ Lawa n goɛ̃ miɛ̃, n nyin ba nyɛɛ wa.

Loen 18:31

Lawa din a zii lɛ n pepere, bɛ̀ Dɛnaa Lawa boo mɛn da, a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 51:8

Bɛ lɛ na á goã durii-n ma ganaa, sɛnɛ, ń bɛ nyaa ma nɛ. Yiitibaa gɔ́ɔ̃ nɛ, bɛ̀ min tá sonbore doɛ̃, bɛ lɛ n kɔɔ̃nɛ n ganaa.

Loen 68:20

Ka daa wɔ barka da Dɛnaa nɛ baraabaraa. Wɔ kirisibaali Lawa lɛ n giɛ wɔ walan. Doa

Loen 86:10

A giala, mà n tá gole, n tá kaãbaa ǹ siin zɛnɛɛ. N dinsɔɔ̃ n Lawa lɛa.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 4:7

Dɛnaa pɛ nɛ: «Wusoo doo n nə n gɔn da n foo bii.» Á wusoo á da walan, á tɔ́n bɔ. A gɔn lɛ wusoo á bǐɛ̃ kɔ.

Boo-laakalaali 3:3

Gɛ̀-dɛ biikoo tan, da gòã-diɛ biikoo tan. Màn-wurii biikoo tan, màn-doe biikoo tan.

Izayii 19:22

Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 41:4

Die na á bɛ tumaa zɛnaa? Min mɛn bɛ́ kanaa a tɔrɔn koɛ, bɛ nɛ. Ma din Dɛnaa Lawa nɛ. Ma din ni sii tumaa giala kɔ lɛa. A wo kaa ǹ giala-nyɔmɔɔ lɛ, ma din Dɛnaa Lawa-n doo.

Izayii 43:10

«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.

Izayii 43:12

Ma din ni má kirisibaa boo da, ma din ni má daa nɛ. Ma din ni má nyaa, lawa soree bie wa. Kasɛn man maa siéren lɛa, masɛ n Lawa lɛa. Dɛnaa Lawa a da ǹ boo ne.

Izayii 43:13

Man ma tan Lawa lɛa duduu, Min kɔn ba boe la a min si ma gɔn wa. Bɛ̀ má sii mɛn zɛnaa, min kɔn ba boe la a bɔyaa wa.»

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Izayii 46:4

Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Izayii 48:12

Dɛnaa Lawa pɛ: «N too kɔ ma lon, Zakɔba, nsɛ Izirayeli mɛn bɛ́ má n bíi. Ma bɛ́ yɔrɔ mɛn la, man miɛ̃ duduu. Man sii tumaa a giala kɔ lɛa, man sii tumaa giala nyɔmiɛ lɛa.

Ezekieli 37:12

Bɛ lɛ taman yii, maa boo kɛ da ǹ nɛ n pɛ ǹ nɛ, mà masɛ Dɛnaa Lawa a da ǹ boo á ke: Maa minin lɛn, á ke, ma á re kaa yalan lɛn buĩ, ma ka waa ma ka bɔ kaa yalan lɛn nɛ, ma da ka nɛ Izirayeli gána nɛ.

Ezekieli 37:3

Lawa tɔ́n nɔ̀n da ma la á pɛ: «Minbuiin a nɛ, wen kɛn tá boe la ǹ wusoo ǹ yiikoonaabaa yɛ doo?» Má a lɛ si kɛnɛn: «Dɛnaa Lawa, n din nə bɛ doɛ̃!»

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Zaã a sɛ́wɔ 8:24

Bɛ lɛ na á toa, má pɛ ka nɛ, máa ka tá re giɛ̃ ka kaa sii baraan nɛ ka mìi ni. Masɛ bɛ́ min mɛn lɛa, bɛ̀ ka a ma doɛ̃ bɛ lɛa wa, ka á re giɛ̃ ka kaa sii baraan nɛ ka mìi ni.»

Timəə dí-pɛn 32:12

Dɛnaa Lawa dinsɔɔ̃ ná a zaman nyɛɛnaan bɔ miɛ̃, tɔrɔ kɔsɔn kɛn dì kɔn goã kun ni walan wa.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 7:9

Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

Ebrəə 1:12

N tá re ǹ muni ka dɔnkɛ bɛ́ lɔn, n tá re ǹ lonkoe ka mɔnaa bɛ́ lɔn. Sɛnɛ, nsɛ n die goɛ̃ miɛ̃ n din lɛa, n nyin ba re nyɛɛ wa.»

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Samayeli1 2:6

Dɛnaa Lawa din ni nyin koe, a din ni sii. A din ni min diɛ geren piɛ a din dɔ n min kanbiɛ a ganaa.