Timəə dí-pɛn 32:35 - LAWA A BOO SONBORE

³⁵ Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

LAWA A BOO SONBORE 2011

³⁵ Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Timəə dí-pɛn 32:35 ပူးပေါင်းရင်းမြစ်များ

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Ebrəə 10:30

Sonbore, Lawa mɛn boo kɛ da, wɔ á bɛ doɛ̃: «Ma din nə gɛ̀ dòo boe, ma din nə dòo sarɛɛ.» Á pɛ doo: «Ma din Dɛnaa á re kiri kuri maa zaman la.»

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Loen 94:1

Dɛnaa Lawa, n din lɛ n gɛ̀ dòo boe, Lawa mɛn bɛ́ gɛ̀ dòo boe, n din nyaa.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 6:21

Dɛnaa Lawa bɛ́ boo mɛn diɛ, á ke: Man die màn koɛ tán zaman kɛ nyɛɛnɛ, a ǹ bɔ a ǹ kaa. Ǹ tumaa á re giɛ̃ kun, díin laanka nɛnyaanan nɛ, miãkɛn laanka giaáran nɛ.

Rɔmu minin 13:4

Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Izayii 60:22

Ǹ bii, ǹ kiɛɛrɛdɛnaa n die min duu goon (1 000) yii. Ǹ pàãwɛɛnaa á re tɔrɔ pàãdɛnaa biɛ. Masɛ Dɛnaa Lawa n die bɛ zɛnɛɛ fufuu, bɛ̀ a biikoo dɔ.

Izayii 8:15

Min gigiã á re n gòã niɛ̃ a ganaa, ǹ tatalaa, ǹ bɔ ǹ mɛnaa ǹ nə n gù yiyiɛ. Kan tá re ǹ kuĩ, ǹ nə́ ǹ ba n sii la doɛ̃ wa.

Izayii 5:19

Ka n pii: «Dɛnaa Lawa, n baa fufuu n sii zɛnaa wɔ yii ni wɔ yɛ. Izirayeli a Lawa sonbore sii mɛn yɔrɔ bɔ, wɔ ǹ li bɛ nə n zɛnaa, wɔ dɔ̃!»

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Siin Giala 4:23

Lemɛki pɛ a lɔn lɛn manɛ kɛnɛn: Adaa laanka Siilaa, ka n too kɔ ma lon. Lemɛki a lɔn lɛn, ka n too kɔ doɛ̃. Giĩ bɛ́ á n gɔn da ma ganaa, má dɛ á gã. Nɛ lɛ bɛ́ á màn toɛ̃ ma ganaa, má dɛ á gã.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Lawa a wúlu-bɔlen 19:18

N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Samayeli1 26:10

Davida tɔ́n pɛ: «Dɛnaa Lawa yii tá koo! Dɛnaa Lawa din nə die Sayulu dii. Bɛ̀ a tɔ gɛ̀ dɛ a biikoo li wa, a wo zia la, zia bii.

Kiin2 9:7

N dɛnaagiĩ Akaabu lɛ, n die n bɛa kion minin dɛ. Masɛ a dí-nyalin kɛn maa boo gii diɛ, Zezabɛli bɛn mà mɛn kaa tán, ma á die bɛa dòo boe. A maa dí-nyali gialakunun mɛnɛn dɔn mà kaa tán, ma á die bɛ dɔ dòo boe.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 51:56

Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Ezekieli 7:5

Masɛ Dɛnaa Lawa n kɛ pii: Koe n ka kɛ nɛ die, koe gole! Min bin nə ǹ miã yɛ wa.

Ozee 13:12

Yiri a boe ka Efrayimu a sii baraan lɛn nɛ wa, maǹ koa nɛ bǎã biɛ̃n nɛ.

Samayeli2 22:48

Bɛa Lawa lɛ n maa gɛ̀ dòo boe, a din na á ma koa tɔrɔ kɔsɔn mìi la.

Izayii 13:22

Kuruun tá re lɛ biɛ a sanabolon kɛn nɛ, tolokan nə lɛ baa a kion sonboren kɛn nɛ. Baabilonii a lɛawaa giala nyɔmɔɔ dɔ á nya, a lɛawaa giala nyɔmɔɔ lɛ diri foɛɛ̃ nɛ.