Timəə dí-pɛn 32:34 - LAWA A BOO SONBORE

³⁴ Bɛ bie ma yiri-n ke wa ya? Bɛ bie koa-n ma gɔn li wa ya?

LAWA A BOO SONBORE 2011

³⁴ Bɛ bie ma yiri-n ke wa ya? Bɛ bie koa-n ma gɔn li wa ya?

Timəə dí-pɛn 32:34 ပူးပေါင်းရင်းမြစ်များ

Zɔbu 14:17

N tá re maa sii kɔkɔrɔn kɛn lɛ yii takoo ne, n pìi kɔ maa sã ǹ siin kɛn lɛ.

Zeremii 2:22

Haalɛ ta n nə́ n zoo ka sɔmaa nɛ, ta n nə́ n zoo ka sɔmaa gigiã nɛ, n sii baraa kɛ n ma yɔrɔ kɛnɛn, ka *gɔ̀ bɛ́ lɔn. Dɛnaa Lawa a da ǹ boo ne.

Zeremii 32:10

Má wuru lɛ a pii ǹ sɛ́wɔ zɛnaa màn paa, siéren yɔrɔ-a, má goon lɛ tã má ma gòon ganaa ǹ kaaran bǎã da la má a wɔrɔ zɔɔ̃ kilo la.

Zeremii 44:21

«Taãn nɛ, ká goã *wúlu màn gìĩ kɔɔ̃n tiɛ̃ Zudaa kiwin ni ka Zeruzalɛmu a zii la ǹ nɛ: Ka dinin ni, kaa díin ni, kaa kiin ni, kaa gána nyɛɛnaandɛnan nɛ, ka Zudaa min kɔsɔn nɛ. Dɛnaa Lawa yiri tá a-n parsiini, a yiri bɔ-n wa.

Ozee 13:12

Yiri a boe ka Efrayimu a sii baraan lɛn nɛ wa, maǹ koa nɛ bǎã biɛ̃n nɛ.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timəə dí-pɛn 32:33

A n ka miɛ̃ babaraa a sèwò bɛ́ lɔn, a n baraa ka bìri a sèwò bɛ́ lɔn.