Timəə dí-pɛn 32:3 - LAWA A BOO SONBORE

³ Ma á re Dɛnaa Lawa tɔ boe, ka wɔa Lawa lɛ a golebaa dɔ̃.

LAWA A BOO SONBORE 2011

³ Ma á re Dɛnaa Lawa tɔ boe, ka wɔa Lawa lɛ a golebaa dɔ̃.

Timəə dí-pɛn 32:3 ပူးပေါင်းရင်းမြစ်များ

KZS1 17:19

Dɛnaa Lawa, ń tá n dí-nyali lɛ narɛ, bɛ lɛ na á toa ń sii dadaran kɛn zɛnaa, ń tá n din a golebaa nyɛɛ.

Loen 150:2

Ka a tɔ bɔ a boo sii la a lɛa, ka a tɔ bɔ a golebaa kɛ tumaa a lɛa!

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Zaã a sɛ́wɔ 17:6

«N min mɛnɛn bɔ kanaa lɛ gɔ́ɔ̃ nɛ, n nə́ ǹ kɔ masɛ la, má n tɔ nyaa bɛn manɛ. Maǹ nə́ goã n din wɔn lɛa, sɛnɛ, ma n nə́ ǹ kɔ masɛ la. Ǹ nə́ n boo si,

Efɛɛzi minin 1:19

Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ,

Timəə dí-pɛn 3:24

«Ma nə n sii kɛ zɛnaa, n tá n golebaa laanka n boo sii la nyɛɛ ma nɛ. A giala, lawa mɛn kɔsɔ bɛ́ boe la a n nya ǹ dín kɛn miã nya, a n tɔ bɔ ǹ siin kɛn zɛnaa, a banban lon wa, a banban tán wa.

Timəə dí-pɛn 5:24

Ǹ nə́ pɛ: «Wɔa Lawa, Dɛnaa Lawa lɛ á ke á ná a gugurubaa laanka a golebaa nyaa wɔ nɛ. Wɔ́ a lɛ ma tɛ lɛ bii. Wɔ́ yɛ pelo kəni, wɔa Lawa á boe la a boo da ka min ni, ǹ dɛnaa yii wusoo a goã koo.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.