Timəə dí-pɛn 32:26 - LAWA A BOO SONBORE

²⁶ A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

LAWA A BOO SONBORE 2011

²⁶ A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

Timəə dí-pɛn 32:26 ပူးပေါင်းရင်းမြစ်များ

Loen 34:16

Dɛnaa Lawa n giɛ min peperen walan, a too n koo ǹ lɛ-dɛ li.

Loen 34:17

Dɛnaa Lawa n zia diɛ sii baraa-zɛnaalin ganaa, a tá ǹ sii tuturi á boe minbuiinin taasiɛ nɛ tán la.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Izayii 48:11

Sonbore, bɛ̀ n yaa má zɛnaa miɛ̃, ma din tɔ taman yii ni! A giala, ma a lɛ koe sɔ ganaa wa. Golebaa mɛn bɛ́ maa wɔ lɛa, ma a re toɛ bɛ dɔ min kɔsɔ ganaa wa.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Lawa a wúlu-bɔlen 26:38

Ǹ tá re giɛ̃ tɔrɔ kɔsɔn gána nɛ, ǹ zɔ́ɔn gána á die ǹ bii.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:37

Dɛnaa Lawa bɛ́ re woe ka nɛ tɔrɔ kɔsɔn mɛnɛn tumaa bii, bɛn tá re n kaãbiɛ kaa sii ganaa, ǹ suusu da ka ganaa, ǹ ka da yaa lɛa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Timəə dí-pɛn 9:14

Toa ma ǹ dɛ ma ǹ nya, ma ǹ tɔ tuturu ma bɔ kanaa. Ma á re toɛ n din tɔrɔn nə mɔnaa, pàã nə́ ǹ lon á la kɛn manɛ.»