Timəə dí-pɛn 32:25 - LAWA A BOO SONBORE

²⁵ Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

LAWA A BOO SONBORE 2011

²⁵ Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Timəə dí-pɛn 32:25 ပူးပေါင်းရင်းမြစ်များ

Kiin2 7:5

Ǹ nə́ tɔ́n yoo wasamiɛ̃n tutu, ǹ nə́ woo Siirii minin giã ǹ bǎã lɛ nɛ, ǹ nə́ woo yǎa a lɛ ganaa, sɛnɛ min goon din goã a tan wa!

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Izayii 30:16

Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

Zeremii 44:7

Kanna kəni, Dɛnaa Lawa Pàãyiidɛnaa, Izirayeli a Lawa n kɛ pii: «Wàa na á baa ka á baraa kɛ tumaa zɛnɛɛ ka dinin manɛ? Ka ǹ zoɛ̃ li mà ka Zudaa a giĩn dɛ, a lɔn nɛ, a nɛ tenən ne ka a nɛnyaan bɔnboɛɛnɛn nɛ? Ka ǹ li ka bɔ̀nbaa lenlen?

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 9:21

Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 4:4

Nɛnyaan tiɛɛ̃n lɛwɔn nə́ damɛ a lɛ-n mu boro gɔn. Nɛnyaan bɔnboɛɛnən man màn-bii liɛ, sɛnɛ min kɔn ba màn koe ǹ la wa.

Ezekieli 7:15

Zia n die goɛ̃ wɛɛ̃-n kanaa, piɛ̃ busu laanka bòo ne, bɛn nə́ wɛɛ̃-n kion. Min mɛn bɛ́ don, ǹ tá re bɛ dii zia la. Min mɛnɛn bɛ́ kiwi gɔ́ɔ̃ nɛ, bòo laanka piɛ̃ busu á re wɛɛ bɛn la.

Ozee 11:6

Zia a die wɛ̃ ǹ kiwin ni, á re a kiwin lɛn tamaa ǹ mànan tumaa ziziɛ̃, zia á re ǹ bii ǹ sii wɔ kɔn-a kɛ taman yii.

Ozee 9:12

Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Misee 6:14

Kasɛn kɛn, ka á re màn bii, ka n ka a kiɛ̃ wa. Ka nàn tá re pipi bòo gɔn. Ka bɛ́ re màn mɛn koɛ ka gɔn li, bɛa re goɛ̃ wa. Ka bɛ́ re màn mɛn tamaɛ, ma á re toɛ zia bɛ bii.

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.