Timəə dí-pɛn 32:23 - LAWA A BOO SONBORE

²³ Man die bɔ̀n gigiã diɛ ǹ ganaa, yǎa maa kiɛ nyɛɛ ǹ ganaa.

LAWA A BOO SONBORE 2011

²³ Man die bɔ̀n gigiã diɛ ǹ ganaa, yǎa maa kiɛ nyɛɛ ǹ ganaa.

Timəə dí-pɛn 32:23 ပူးပေါင်းရင်းမြစ်များ

Samayeli2 22:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

Loen 18:14

Dɛnaa Lawa paraa lon papapã, lon a Lawa gole boo da. La gii kɛ n boe lon kiɛ, a n tɛ pii yɛlɛlɛ yɛlɛlɛ.

Loen 45:5

N sa dii, n kiɛ da la. Zia baa sonbore a lɛa, foo-basiɛ̃ a lɛa, peperebaa a lɛa. Wo ka pàã nɛ, n gɔ̀lɔ̀baa yɛ.

Loen 7:14

A na a gɛ̀-dɛ ǹ mànan yɔrɔ boe, a nə ǹ yɔrɔ boe ka kiɛ tɛdɛnan nɛ.

Izayii 26:15

Dɛnaa Lawa, ń wɔa zaman gigiã kɔ, n nə́ n gugurubaa nyaa. Ń wɔa zaman gigiã kɔ, n màn da gána lɛ gèlè tumaa li.

Busii pɛ 3:13

A koã kiɛn kɛn, á bɛn tumaa dɔrɔ ma kii ni.

Ezekieli 14:21

Bɛ kio, Dɛnaa Lawa wusoo á pɛ ma nɛ: Dɔlɔ màn sii ni masɛ da Zeruzalɛmu kiwi lɛ mìi ni, ma tá a minbuiinin laanka a tɔɔn dii ni: zia nɛ, bòo ne, don màn babaraan nɛ, ka piɛ̃ busu ni.

Ezekieli 5:16

Ma á re bòo babaraa diɛ ka gialaa, ka kiɛ babaraa bɛ́ lɔn basaã koe. Man die bɛ lɛ diɛ a da ka dɛ. Man die bòo lɛ baraa koe ka ganaa, a ka gɔn li ǹ màn-bii tumaa nya lenlen.

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Lawa a wúlu-bɔlen 26:18

Bɛ tumaa kio, bɛ̀ kaa tɔn nə n too koe masɛ lon wa, ma bɛ́ re dɔlɔ mɛn diɛ ka mìi ni, kaa sii baraan kɛn taman yii, bɛ á re baraa koe a la yii ni.

Lawa a wúlu-bɔlen 26:24

masɛ dɔ á die yɔ boe ka dɔn ganaa. Masɛ bɛ́ re dɔlɔ mɛn boe ka ganaa bɛ kio, kaa sii baraan kɛn taman yii, bɛ á re baraa koe a la yii ni.

Timəə dí-pɛn 28:15

Sɛnɛ, bɛ̀ ka n too kɔ kaa Lawa, Dɛnaa Lawa lɛ lon wa, ma bɛ́ a gɔn waa ǹ boon laanka a landa boon mɛnɛn tumaa pii ka-n pelo, bɛ̀ ka n yiri koa bɛn li ká kɔ ǹ lɛ wa, bɔ̀n da ǹ siin mɛnɛn bɛ́ re ka yii, bɛn man ka kɛn nɛ:

Timəə dí-pɛn 29:21

Kaa nɛnyaanan mɛnɛn bɛ́ re yui ka kio, tiin mɛnɛn dɔn bɛ́ re boe gána sɔsɔɔ nɛ ǹ daa, bɛn tá re bɛa sii kakan lɛn laanka basaãn lɛn yii, Dɛnaa Lawa nə́ ǹ kɔ kaa gána lɛ nɛ.

Timəə dí-pɛn 32:42

Bɛ̀ maa gɔya sa kɛ tá ǹ siĩ gialaa ǹ mɛn waáraa, ma á re maa kiɛn kɛn goe ka mà nɛ ǹ mi, ǹ yii tii. Ma á re maa zɔ́ɔn lɛn goledɛnan mìi wɔsɛ kɔn. Gɔn nə min mɛnɛn kũ, ka kòso nɛn nɛ, ma á re bɛn mà kiɛ.»