Timəə dí-pɛn 32:21 - LAWA A BOO SONBORE

²¹ Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

LAWA A BOO SONBORE 2011

²¹ Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 32:21 ပူးပေါင်းရင်းမြစ်များ

Kiin1 14:22

Sii mɛn bɛ́ baraa Dɛnaa Lawa yii li, Zudaa minin nə́ bɛ zɛnaa. Ǹ sii baraan mɛnɛn zɛnaa, bɛn nə́ Dɛnaa Lawa da miãgoã bɔ ganaa á la sii baraan kɛn tumaa nɛ, ǹ digolon nə́ zɛnaa.

Kiin1 14:9

Min mɛnɛn tumaa kiɛ̃ n nyɛɛnɛ, ń dí baraa nya á la bɛn manɛ. Ń yoo n nə n daa guguru kɔ ǹ mànan la n nə ǹ zɛnaa ka màn nyínin ni fɔlɔ lɛa, ń ma foo busu. N ma dinmaa lɛ sɛ zũ kio.

Kiin1 16:13

Bayesaa laanka a nɛgiĩ Elaa na á wɔ Izirayeli a Lawa, Dɛnaa Lawa lon, ka ǹ dì guguru kɔ laanka ǹ Izirayeli minin kaa sii baraa zɛnaa-n kɛ nɛ.

Kiin1 16:26

A zɛnaa ǹ siin nə baraa kɔ ka Nebaati a nɛgiĩ Zeroboamu wɔ bɛ́ lɔn, n mɛn lɛ goã á Izirayeli minin kaa sii baraa nɛ, yǎa ǹ nə́ wɔ Izirayeli a Lawa, Dɛnaa Lawa gasɛ nɛ, ka ǹ dìn guguru kɔ nɛ.

Kiin2 17:11

Walan, bɛa wúlu bɔ ǹ bǎãn kɛn lɛn tumaa la, ǹ nə́ da yon gìĩ kɔɔ̃n tã ka gánan kɛn wɔ bɛ́ lɔn Dɛnaa Lawa goã á ǹ loo á ǹ bɔ ǹ bǎã nɛ Izirayeli minin lɛn nyɛɛnɛ. Siin mɛnɛn bɛ́ ǹ ba siĩn wa, ǹ nə́ bɛn zɛnaa yǎa ǹ nə́ wɔ Dɛnaa Lawa lon.

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

Loen 31:6

Dɛnaa Lawa, masɛ n ma din sii toɛ n gɔn. N din nə́ ń ma bɔ sii ni, Lawa bɔlɔgoondɛnaa.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Izayii 65:3

Bɛa tɔrɔ lɛ n giɛ ma lɛ li biikoo tumaa li. Maǹ wúlu boe dù gɔrɔn nɛ, maǹ da yon gìĩ kɔɔ̃n tiɛ̃ kɔlɔn la.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 2:11

Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Zeremii 7:18

Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Ezekieli 8:3

Á màn kɔn dia ma la ka gɔn bɛ́ lɔn, á ma kũ ma mìi ka ganaa. Bɛ kio, Lawa a sii-nyaa gɔ́ɔ̃ nɛ, Lawa yiri ma saa lon, á woo ma nɛ Zeruzalɛmu. Wɔ ǹ kiɛnlɛ mɛn bɛ́ gɔ́ɔ̃ li, a yɔrɔ n dia-n gɔsɛ a lɛ̀gɔn la, a na á ma da tán walan. Ga Lawa lɛ li ǹ dì kɛ dɔ na á goã walan, Lawa bɛ́ a goã lɛ koe ǹ mɛn lɛ ganaa duduu wa.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Nya ǹ dín 11:15

Masɛ Piɛrɛ nə n lɛ bũ boɛɛn lɔn gɔrɔ má n boo diɛ, Yiri Fu gisĩ minin lɛn la, ka a bɛ́ á zɛnaa wɔsɛn dɔn man lɔn a giala koe li.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Rɔmu minin 10:19

Man nɔ̀n diɛ dɔn: Izirayeli minin manə ǹ bɛ giala ma wa? Muizu pɛ dinin gɔrɔ: «Tɔrɔ mɛn bɛ́ a tɔrɔ lɛa wa, ma dɔ n die ka dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ka foo yui ka bɛ nɛ.»

Rɔmu minin 9:25

Lawa na á bɛ lɛ pɛ, a din a boo gii-dali Ozee a sɛ́wɔ-n kɛnɛn: «Min mɛnɛn bɛ́ ǹ goã ma tɔrɔ lɛa wa, man die bɛn lɛn bíi "ma tɔrɔ". Ma bɛ́ ma goã gána mɛn narɛ wa, man die bɛ lɛ bíi "maa gána narɛɛ wole".

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:17

Maǹ wúlu mànan koe nɔ̀ɔnɔn la, a da ya bɛn dɔn bie Lawa lɛa wa. Maǹ wúlu mànan koe dìn la, a da yǎa ǹ ba ǹ doɛ̃ lɛlɛ wa. Maǹ koe dì soreen la, a da yaa, ǹ din dinin nə bɛn guguru kɔ wa.

Samayeli1 12:21

Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.